(“'•.¸§((`'•.¸* --- الجزء الثالث من المسلسل الإجرامي --- (مافيــا الأناقـه ) *¸.•'´)

متابعة النقاش، صفحة 196

شاركي في النقاش

سجلي الدخول لإضافة تعليق.

التعليقات

1,692
  1. رسيل*
    مس/قدها وقدوود سجادة صلاة

    شكرا دريم مام على تنزيل العملية
    والله يرجع لنا بنت أبوها وكل اللي فقدناهم بالسلامة


    مس مس/ توقعت سجادة صلاة للجيب بس لو أحد استعملها كيف يرجعها وهي صغيرة مرة
    مفرش طاولة نفس الشي اختراع بدون فايدة
    :confused:
    اخواني قالو محفظة جوال أو كمادة ساخنة

    ]

    أول شي أقول عجبني الشكل والصور اللي في العملية
    ومستانسة اني برد من بداية نزول العملية :icon28:


    1- أبشع لوك شفته في زواج .. كانت لابسة فستان أبيض مو مشكلة، بس مكياجها وتسريحتها قبيحة جدا
    وجهها تحسي الملامح ممسوحة ومعاد رسمها، حواجبها مرتفعة كثير عن عيونها ، ماأذكر الألوان زين بس كانت مو حلوة، تسريحتها مرتفعة عن راسها طابقين...

    2- اللي يحطو لبناتهم الصغيرات ميك اب.. خصوصا البنات اللي عمرهم سنة او سنتين ويحطون لهم روج أحمر :09:
    أقول لهم المنظر مو حلو أبدا الطفلة رقيقة وجميلة تسوو لها كذا تخلوها تخرع

    الاسراف في شراء مستحضرات التجميل.. ماتدخل محل إلا لازم تشتري اللي تحتاجه واللي ماتحتاجه
    أقول لها خلصي اللي عندج أول بعدين اشتري.. وفكري أول هل بتستخدمين هالشي ولا بس عجبك وبتشتريه

    اللي شقتها صغيرة وإذا قلت تعلق الريحة في كل شي وتجي الناس ريحة عباتها قلي :(

    عدم ترطيب الأيدي والأقدام قبل النوم
    هذي أسهل حاجة وماتاخذ وقت يعني مالك عذر أبدا.. ولا تشتكي وتدوري خلطة تنعم ايدك اذا صارت سودة وخشنة


    يمكن لي رجعة
  2. @am_sarh_o_syryn

    هلا حبيباتي
    كيفكم ان شاء الله بخير
    بصراحه ماكان ودنا نكمل العمليه في ظروف خواتنا الكويتيات
    الله يعظم اجرهم يارب ويصبر قلوبهم
    بصراحه ما ادري متى ادخل النت مره ثانيه علشان كذا بنزل العمليه حقتي الان




    س1/ابشع لوك شفيته شلون كان؟وين؟؟صفي شعورك وقتها ؟

    بصراحه ابشع لوك شفته في وحده اعرفها معرفه بسييطه ومن بعيد
    من بشاعته ما اقدر اوصفه << مع العلم ان فيه كثير من اللي مايعرفون للميك اب مفتونين بمكياجها
    وببساطه كانت سمراء<<والسمراء اذا عرفت تختار درجه تناسبها طلعت وااو كلها رونق ونعومه اما اذا ماعرفت للدرجه تقلب على رصاصي ويصير وجهها شاحب :(
    كانت حاطه الاساس حقها بدرجه فااتحه وهي سمراء ولا غطت رقبتها ولا اذانها بعد وصايره كأنها حاطه بودرة اطفال :09:

    والظل اسووود >>مهما كان لون لبسها الظل يكون اسود
    والبوز حق العين واصل للعين الثانيه بدون مبالغه وصاير على شكل مثلث من برا لحد الاذن ومن جوا وشوي وتتقاطع الحدود مع العين الثانيه
    يعني مثلث من جوا ومثلث على برا لحد الاذان
    والبلاشر احممر والروج اسود :eek:

    وكنت اول مره اشوفها في بيت اهلى

    بصراحه غصب علي انا واخواتي اذا دخلت نلف وجيهنا خاصة اول مره >>طبعا بدون تجريح او ما نبين لها هالشي لان مو من طبعي اضحك على احد :(
    واطلع وانا ميته ضحك واقول وشلون تطلع كذا >>طبعا مو قصدي اتريق عليها لا والله مع ان البنت مررره طيوبه وحبوبه بس ناقصها تعرف الميك اب
    كان نفسي ساعتها اساعدها وانصحها او اعلمها شلون تحط بس خفت اجرح مشاعرها خاصة انها واثقه في نفسها واللي حوالينها يسألونها شلون تحط الميك اب <<يعني الخليجي البشع جدا


    س2/الجرائم اللي تشوفين البنات حواليك يرتكبونها بحق انفسهم ؟شنو ودك تقولين لهم؟

    واااو الجرائم كبييره وكثييره ولا اقدر احصرها هنا بس بقول لكم الاشياء اللي تتكرر

    اول شي واحده صغيره ووجها نعوم وباين عليها البراءه حاطه كيلو كحل ومخليه باقي الوجه بدون اساس او كريم مرطب وجلوس شفاف <<ارحمها وودي اقول لها الصح خاصة انها في سن مراهقه
    يعني تحط كريم مرطب اذا بشرتها حلوة وخاليه من العيوب او كونسيلر خفيف لاخفاء العيوب البسيطه ويمكن يكون كأضاءه للوجه وعمل بعض الرتوش وتحط كحل جوا عيونها يبينها ويبرزها وماسكرا وبلاشر مشمشي خفيف وجلوس نعوم للبنوتات خوخي او مشمشي او بنك وتطلع واااو

    ومن ضمن العيوب واحده يكون مكياجها حلو من اساس وبودره وبلاشر ورسمة عيوني حلوة بس مشكلتها ماترسم حواجبها :09: يطلع شكلها غلط وحواجبها تكون مغبره <<نفسي اقوم وارسم لها حواجبها والله تحكني يدي هههههههه

    او تجي واحده تستخدم بودره غلط ماناسبتها وتكون فااتحه كثير وتكون فرحاانه فيها وكل شوي تطلع فيها وتعدل الميك اب اللي من الاساس غلط ياعيني عليها
    والله يضيق:( صدري عليهم وودي اصلح لهم الميك اب
    ياليت اقدر اقول لهم شي بس المشكله يا اني مالي علاقه كبيره فيهم يعني ما امون عليهم
    او اني اشوفهم من بعيد في ملاهي او زواج
    الله يعيين بس نفسي اطلع يوم لاي مكان واشوف البنات مصلحين نفسهم صح ولا احد يضحك عليهم

    مشكورة حبيبتي دريم على تنزيل العمليه
    الله يسعدك ويوفقك يارب