باذن الله حاابدا جيبه تانيه مين تبدا معايا

والله العظيم انا كليتى عملى بس مش فاهمه وعايزه اصوت من الغيظ لكن سبحان الله بيتقلب ضحك معاى مش عارفه ليه فكره دلوقتى ان شر البلية ما يضحك هههههههههههههههههههههههههههه

مثال وشوفوا فهمت ولا لاْفى السطر الاول 8مجموعه اعمل فى السطر الثانى 10ويكون الزياده بقى غرزتين ولا مجموعتين لو غرزتين يبقى اول مجموعه من الجنب اليمين 5 اعمده ومن الشمال 5 اعمده ولو مجموعتين اربعات تبقى الزياده ازاى

مش راضيه تردى عليه يا ام قسمت وانا قعده ادام الكمبيوتر من اخر رداعمل ايه متضره استنكى وشكرا

جبيبتي ام اللؤلؤتين
انتي ماقلتيش عايزه توسعي قوي بحيث يعمل كشكشه للجيبه ولا عايزاها مستقيمه
المهم فيه طريقتين
انتي بتوسعي من الجنب عمود او عمودين في كل سطر ولما نكمل عندك مجموعه تدخليها في السطر
يعني ايه
انتي عتدك مجموعات كل مجموعه 4عمود وسلسلتين
بتذودي سلسله او سلسلتين في كل جنب وبعدين بتزودي عمود في كل جنب او عمودين في كل ناحيه وبعدين السطر اللي بعده لو زودتي كمان عمودين كده حايكون الزياده في كل جنب 4 اعمده وسلسلتين يعني كده عملتي مجموعه في كل جانب تبتدي مجموعه تانيه من كل جنب وهكذا
وطبعا التزويد خسب ماانتي عايزه وسع الجيبه
الطريقه التانيه
افرضي ان عندك 9 مجموعات كل مجموعه مكونه من 4 اعمده وسلسلتين
بتزودي اول مجموعه تخليها 5 اعمده يعني بتذوديها عمود ماشي كده
وتسيبي تاني مجموعه وتالت مجموعه وتذودي رابع مجموعه وتسيبي المجموعتين التاليتين
يعني بتذودي مجموعه وتسيبي مجموعتين كده بتزودي تلت المجموعات
في السطر اللي بعده بتزودي كمان تلت المجموعات كده بقي عندك تلتين من المجموعات غباره عن 5 اعمده والتلت لسه 4 اعمده
في السطر التالي حاتزودي التلت الباقي كده كل المجموعات اصبحت تتكون من 5 اعمده
لو لقيني الوسع كبير ممكن تخلي الزياده كل سطرين او تلاته او تكتفي بالتلت او التلتين يعني انتي ورغبتك
ولو عايزه توسعي كمان كرري او اعملي التوسيع علي سطرين مش 3 سطور
فهمتيني ياقمر يعني دي عمليه انتي اللي بتتحكمي فيها

انا خلصت الجيبه يابنات انتوا عاملين ايه