هذه تجاربي ونصائحي ...لمن يبحث عن الراحة في بيته...وممكن أفيدكم.....................

الف شكر على الموضوع الرائع جاء في وقته وعندي استشاره
انا ان شاء الله برمم البيت بس عندي مشكلة في المطبخ صغير جدا 4*3 وصراحة كاتم على نفسي وبجنبه على طول مدخل نساء فيه باب يطلع على الحوش ونادرا ما احد يدخل معه قصدي الضيوف فحابة اضيفه ازيل الجدار اللي بين المطبخ والسيب وبيطلع عندي المطبخ 4*4 بس المشكلة الباب اللي طالع في الحوش اخليه والا انقله في غرفة النساء على طول علما ان غرفة النساء 5*4
ان شاء الله فهمتي علي وشكرا مرة ثانية

اهلابك أختي وشكرا على ثقتك..
بالنسبة للمطبخك هو مهم إنك توسعينه بس أنا مافهمت وش سالفة الباب!!هل يكون بعد التوسيع داخل ظمن المطبخ؟!
أنا بالنسبة لي أحب إنه يكون فيه باب من المطبخ على الحوش علشان الأغراض والمقاضي ووو يكون تدخيلها أسرع وبدون حاجة للمرورها وسط البيت ويفيدك مثل هذا الباب في الظروف الحرجة مثل لو عندك ظيوف بإمكانك تدخيل أي شي من الشارع للمطبخ بدون مايحس فيك أحد بس عيبه إنه ياخذ منك شي بسيط من مساحة المطبخ.. ..لكن لو كان هذا الباب مو داخل ظمن نطاق المطبخ فما هي المشكلة؟يعني إن مطبخك راح يكون مكشوف لغرفة الظيوف؟!!إذا كانت هذي هي المشكلة فبإمكانك وضع السواتر المتحركة إذا جاك أحد حطيها وبإمكانك إزالتها في أي وقت وأصلا هي شكلها حلو ...أتمنى إني أكون فهمت قصدك وقدرت أساعدك وعموما أنا في خدمتك:26:

والله نصايح جدا ررررررررررررررائعة ومنكم نستفيد !

مساؤكم سكر:)


ملاحظات للصالة..

إذا كنتي من النوع إلي تعتبرين الصاله هي المكان الرئيسي للأسرة(وهذا هو المفروض) فلا بد أن يكون أثاثها وجدرانها وأقمشة الكنب والستائرووو..مناسبة لهالغرض بحيث تكون عملية وقوية وسهلة التنظيف وعليك بالأقمشة المخملية لأنها سهلة التنظيف واختاري الألوان الزاهية والهادية لأنها تبعث في النفس السرور وتهدي الأعصاب خاصة التفاحي والليموني وحددي مكان التلفاز بدقة بحيث يكون مناسب لمن يجلس في أي مكان و تحكمي أنت في مكان فيش الكهرب ولا تخلين الفيش هو إلي يتحكم فيك:22:

لأني أشوف الناس يحطون التلفزيون في وسط الصالة وياخذ عليهم مكان لأنه مافيه فيش إلا هنا!!!!!!!!!!
من الرائع أن تكون نافذة الصالة كبيرة لكي تمنحك مزيدا من الإضاءة بس لاتخلينها كبيرة مرة لأنك راح تتعبين في تنظيفها

كما أن النوافذ الكبيرة المطلة على حديقة جميلة تسحر الألبابهو شي جميل لكن جميعنا يجهل إنك بوضعها راح تخسرين الإحساس بجمال تلك الحديقة!!!تقولون لي كيف؟!!
لأن الإنسان بطبعه ملول فإن كان طول ماهو جالس في الصالة يشوف الحديقة رايح يتعود عليها مع الأيام وماعاد يستمتع بالنظر إليها إذا خرج ..وترى هذا مو كلامي أنا هذا كلام خبير ديكور كبير سبق أن قرأت له في مجلة البناء


الحوش:26:مافيه مثل البلاط وخلي عنك سيراميك بورسلان وغيره..مايتحمل جونا وبزارينا وسياكلهم والرطوبة خاصة مع غسل الحوش مثل البلاط..أنا شفت كم بيت حطين بورسلان وناس سيراميك وبلاطهم مقبقب وبادي يتقلع شكله يجيب الصمرقع:22:
ورأيي يحتمل الصواب والخطأ


أرضيات الباركيه أو الخشب ماتنفع صح إنها حلوة وأنا من أشد المعجبين بها من زمان لكنها تحتاج منظفات خاصة ومع الأيام تبدأ تصرصر إذا مشيتي عليها+قابلة للإشتعال في حال الحرائق لآسمح الله الرطوبة تفسده مع الأيام مهما كانت جودتها وإذا حابتها فيه سيراميك الحين كنه خشب وفيه أرضيات الفينيل كنها خشب حتى ملمسها خشن كأنها خشب فعلا...:26:

شكرا على الرد وقصدي ان الباب يفتح في المطبخ بعد التوسيع وانتي فتحتي عيني على موضوع الاغراض اذا كان في البيت احد :( لانها قد صارت لي وجزاك الله خير يااختي :)