الحوامل اللي يراجعون في الحبيب ممكن شوي !! الولاده

مرحبا ..
كيف الحمل الله يتمم علينا ونقوم بالسلامه ..
حبيت اسأل ..
الحين انا اراجع في الحبيب وناويه اولد يا في مستشفى دله او التخصصي الطبي ..
وش الاجراءات اللازمه اني اسويها ..
متى اروح للمستشفى .. لازم اراجع عندهم او الولاده بس ؟؟
طيب اطلب من دكتورتي تحويل من الحين او بدري ؟؟
طيب دكتورتي اذا بغيتها تولدني وشلون ؟؟
وإذا ما ابيها تولدني وش الوضع ؟؟
سعر الدكتوره ؟؟وسعر الولاده ؟؟ وهل الدكتوره تأخذ سعر مختلف لو لا قدر الله وصارت قيصريه ؟؟
ابغى كل وحده جربت هالطريقه تقولي بالتفصيل الممل
الله يرزقكم من وااااااااااااسع فضله .

6 تعليق 1,297 مشاهدة

شاركي في النقاش

سجلي الدخول لإضافة تعليق.

التعليقات

6
  1. @bth_albtoth

    السلام عليكم

    انا اليوم ياقلبي اخذت التحويل من دكتورتي سلمى برنامج الولاده الطبيعي ب4500 مع اقامه يومين بغرفه خاااااصه اذا انتي بالشهور الاخيره روحي افتحي ملف عشان تعملي التحاليل ولاشعات اللزمه وبالتاسع خوذي التحويل انا دفعت بس 700 الفرق لان عندي تامين التعاونيه وسلامتك اي سؤال ثاني انا بالخدمه ارسلي عالخاص لانه ربما ماارجع للملف تاني دعواتك ربي ييسر ولادتي
  2. @smsomh_1

    الله يهون علي وعليك

    صراحه انا نسيت وش بالضبط الاجراءات بس الي اتذكره اني اصلا كنت متفقه مع الدكتوره زاهيه وسوت لي تحويل وخلاص لما جتني الولاده رحت للحمادي ودقوا على الدكتوره وجت على طول والله يجزاها خير الدكتوره رووووعه

    وانتي تكلمي مع دكتورتك واساليها عندها الخبر اليقين ..

    وبالنسبه للسعر والله انا على التأمين ما اقدر افيدك .. بس على العموم هم يعلمونك بكل شي انتي اسأليهم ويعلمونك ..

    واذا تبين تولدين عند غيرها لازم يكون عندك ملف عندهم او على الاقل تاخذي نسخه من ملفك الي عند الدكتوره الي تراجعين عندها علشان ما يحوسونك بالتحاليل وانتي تولدي ..

    والله يسهل امرك وامري
  3. الي انا فهمته انك تنسقين معاها خلاص تراجعين بالحبيب ووقت الولاده تروحين المستشفى وهي تجيك هناك طبعا الحبيب الحين مايولدون إلا في دله هذا السبب الي خلاني اكنسلهم ،، خلاص هم يعطونك سعر اظن شامل المستشفى والمركز والدكتوره بس بالضبط كم ماعرف
  4. @am_shhooodh

    هلا حبيبتي انا لي شهرين والدة كنت اراجع عند د. سنية لما دخلت التاسع سوت لي تحويل طبعا صاروا مايطلعون الا لدلة بس ماعرف اذا تغير هالكلام الحين ..
    تدفعين قيمة الولادة الطبيعية الا اذا كانت محددة لك قيصرية تدفعين البكج للقيصرية .. واذا كنتي تبين تجلسين ايام زيادة او تبين سويت يكون عن طريق نفس المستشفى لما تروحين تولدين .. طبعا تروحين على طول للمستشفى ويكونون الحبيب معطينك نسخة من ملفك والتحويل بس تعطينهم اياه وهم يطلبون دكتورتك تجي يعني مو لازم تكونين مراجعة عندهم .. الله يهون عليك ويسهل امرك ياكريم ومن يقرأ ..

تابعي تجارب أخرى من هذا القسم.