خشب او الامنيوم...ايش الون؟...ايش المحل؟...ساعدوني في اختيار مطبخي

اسمـــــــاء

مشكورة حبيبتي اسعدني مرورك جدا...ويسلمو على الصور

صح كلامك اختي بس انا نفسي في الخشب لانه جدا شيك وفخم وماشالله مطبخي كبير ومابي اضيع شكله بالالمنيوم

امابالنسبة للتنظيف والحشرات ..هذا قصدي من طرح موضوعي

الي جرب الخشب متعب او لا؟؟...تنصحوني فيه او لا؟....

أن كتبت رد قبل فتره لأحد الأخوات طلبت نفس طلبك تقريبا

وهذا هو نسخته.....


شوفي اختي بقولك على تجربتي لان لي خبره من كثر مالفيت جده علشان اختار مطبخي في بيتي الجديد فيه مطابخ( خشب) منظرها فخم وحلو بس انها عرضه للصراصير وماتحمل كثير المويه تخربها واذا فصلتيها ماتكون للاستخدام الكثير لانها تحتاج عنايه وفيه( المنيوم) وهذي عمليه وتحمل كثير لك وللزمن وماتجي فيها الصراصير يعني انظف واناجربت الاثنين وفيه( خشبنيوم )وهذايكون الكباين من المنيوم والابواب من خشب ويقولون عليه انه زين لانه يجمع بين الشكل الفخامه وفي نفس الوقت يتحمل لانه كله المنيوم ماعدا الابواب ...صراحه ماجربته


وبقولكم الاخطاء اللي سويته علشان تستفيدون<<<<<<<<< اول شي مطابخ الخشب روعه وتعطيك فخامه اذا فصلتيها عند المحلات المعروفه واكيد بتكون غاليه لانهم بيعطونك نتيجه بترضيك مثل مطابخ (المنى الالمانيه )ومطابخ (الاباء الايطاليه) بتنهبلين من العرض اللي عندهم ولاتسوون زيي حسيت انهم نصابين ونصحوني ناس اني افصل نفس الموديلات بس عند نجار شاطر يضبطها لك وياليتني ماطعتهم فصلته عند نجار فلبيني وكلفني 20الف ماضبط فيه الاالهيكل والموديل اما البويات والصنفره والقزاز والمساكات فأي كلام خاصة البويه والمظهر الخارجي للدولاب قاهرني تقشر والابواب طاحت وجات فيه صراصير مع ان بيتي جديد
فنصيحه لا تفصلون الا عند محلات معروفه........اما الالمنيوم فصلت مطبخي التحضيري كلفني 6000والمتر650 قوي ويتحمل وعلى شكل الخشب
اما السطح فانا أفضل الصناعي حتى لوبهت لونه تكلمين المحل اللي صلحه لك ويصقلونه ويلمعونه ويرجع كانه جديد اما الرخام الطبيعي ماهو عملي ابدا ومااحبه والجرانيت ماجربته

لازم تعرفين ان كل وحده تصمم مطبخها على الشكل اللي يناسبها ويناسب اغراض المطبخ عندها ويريحها في الحركه من ناحية الادراج وعددها والكباين وارتفاعها والسراميك وتناسق الالوان ....

وان شاء الله اني افدتكم

ف شارع صاري مطابخ كثيره ممتازه انا دخلت محل مطابخ الاقصى حلووعندو كل الالوان كنت ابغى اللون الاسود فقال نسوي لك مترو 900ريال ان شاء الله اسويه في البيت الجديد

بصراحة امي فصلت عند المطبخ السعوودي في جدة جميل جدا وميزته يتحمل هو عندها من 18 سنة والله مااكذب عليكم ممتاز ومثل ماهو لا ابواب خربت ولاغيره وأسعارهم جيدة ان شاالله بيتي رااخ افصل منه

اناعندي المنيوم +خشب مدموج مع بعض
بصررررررررررررررراحة حلو انظف واجمل
كلفني26000 من محل دريا موبيل يا