شاركي في النقاش

سجلي الدخول لإضافة تعليق.

التعليقات

658
  1. ههههههههههههههههههههه
    ذكرتوني بولادتي الأولى ...
    كنت ساكنه مع أهل زوجي إلي هو بيت عمي ..
    من نزل علي الماي الفجر وأنا لاصقه بزوجة عمي وين ما تروح ...لأني كنت خايفه
    حتى لما عمي وصل من الدوام وحطت له الغدا دخلت معاهم الغرفة وقعدت على السرير لا حيا ولا حشمه
    لأني كنت أحسب إنه لما نزل الماي خلاص بسرعه بينزل البيبي
    فلما سأل عمي شو فيها هني قالت له زوجة عمي خليها على راحتها وأسكت منها فسكت عمي حليله ..
    لين ما رحنا المستشفى وولدت بالسلامة
    أما بولادتي الثانية الحمد لله مرت علي خير
    بولادتي الثالثة كانت فيه صبحه عروس في بيت الجيران والمجلس عندهم ضيق فطلب العريس من زوجي إنه يخلي الرجال بمجلسنا إستحى ووافق ولما كنت العصرية أشيك على المجلس مرتب حسيت ببداية الطلق قلت بيروح لكنه زاد بعد المغرب وما قدرت أروح حفلة الحريم وأنا متبهذله ما عندي خدامة هذاك الوقت كل شوي شاي قهوة وكنت أجهز الخضرة وكل شي لين بعد ما تعشوا وراحوا نص المعازيم قلت لزوجي خلاااااااااااص وصلت حدي وإلا ألحين بضيع الحشمة وبصارخ ..
    ورحت مع أمي اللي شبعت رقص عند الجيران وولدت الحمد لله ...
    وألحين ماباقي علي شي شهرين وأولد أدعولي بالسهالة إن شاء الله ...
  2. @blaaodh

    خخخخخخخخخ

    اما انا انواع الدموع والبكاء بصمت خخخخخخخ

    واتصل في زوجي واصيح انا بموت واقعد اوصيه على البزر الي ببطني اذا مت وتزوجت لاتخلي زوجتك تربيه <<< انهبلت
    ولافكرت الا بعد الولاده باسبوع يمكن قلت والله اني خبله وشلون اذا مت لاقدر الله اكيد الي ببطني بيموت معي <<< انواع الذهانه المستعصيه
    كانوا حاطيين لي طلق صناعي بس مالله كتب طبيعي وجبته عمليه
  3. @hdha_stayl

    اكثر من موقف

    بس اذكر امي تقول ..بنتي ضعيفه ما تعرف تطلق خلوني اطلق بدالها خخخخخخخ


    وبعد ما نزل علي ماء سحبتني امي وزوجي وانا ابغي شاحن الموبايل خخخ ادور عليه وابوي يمشي وراي ويده على راسي يقرا اية الكرسي..وامي تنادي وزوجي مو فاهم انا شسوي..لحين ما قلت لهم اني ادور على الشاحن >>>>>دمعت عيني
  4. @am_ogh_alsaad

    عاد انا في ولادتي الاولى بكريه عاد مادري وش السالفه وادخل على الدكتور في غرفه الكشف
    وكان في الغرفه اربع اسره دخلت وقعد يسألني الدكتور كم سؤال الا اسمع لكم ذاك الصوت من وحده كانت على
    السرير القريب من الدكتور وشكلها بكريه زيي المهم سمعت الاخت قاعده تولول وتلعن امها وابوها وليش يزوجوها
    عشان تشوف الموت وهي قاعده تلعن استغفر الله يارب وانا انهبلت وقلت في نفسي يارب ارحمني هم اللي يولدو
    تجيهم فتره ينجنو يارب لطفك اذا وصلت للمرحله هاذي المهم الدكتور قاعد يخاصمها وقالها ان الانسان في الكرب تستجاب
    دعوته وانتي تدعي على امك وابوك قامت تردد يستاهلو يستاهلو
    عاد انا طول فترة الطلق وانا اتصبر ولا طلع صوتي الا بكلمة يارب لطفك وبصوت ما يسمعه الا النيرس اللي عندي
    هاذا كله مو عقل لا كنت قاعده اصبر نفسي واقول اصبري لين توصلي لمرحلة الجنون اللي وصلت لها الحرمه بعدين صيحي
    بكيفك دامه غصب عنك ايش تسوين وعلى هذا الحال لين جات القابله تكشف علي لقت اني خلاص بولد ودقائق وفعلا ولدت
    وانا بعد الولاده قعدت اضحك على نفسي وعلى مرحلة الجنون اللي بغيت اولد محد درى عني عشان قاعده انتظرها
  5. @maklh_hoa

    عسووولة
    اااااااااااااااااه قلبتووو المواجع وذكرتوني برهبة الولادة انا بولادتي انواع الاستهبال قسم بالله حسيت اني بصير خبله على طووول خخخخخخخخ وصلت مرحلة خلالاص كنت اشم الكمااام بهبال وطلبت ابرة ظهر لاا تشوفووني وراها يجي زوجي جمبي واطررده اقوله …
    الله لا يبلانا شكلهم حاطين لك بنج وانت ماتدري
    او كان معك حراره
    .

تابعي تجارب أخرى من هذا القسم.