انا وبناتي مدري وش الحل تكفون ساعدوني

صراحه اني اكتب ومتردده بس والله من خوفي على بناتي مني ابي احد يساعدني 000:44:

انا عندي 3بنات وولد البنات هم الكبار يعني وحده عمرها 10 سنوات والثانيه 8 والثالثه 6 والولد عمره3 سنوات 000

المشكله مع البنتين الكبار ما اعرف اتواصل معهم دايم عصبيه ودايم مايعجبني منهم شي يسوونه وتجيني كبرت نفس لما ابغى اشكر وحده على شي سوته واغلب الوقت اكون ساكته وبعيده منهم مع اني لا اخرج كثير ولا احب الجمعات والجيران انا اكثر من بيتوتيه بس قاسيه كثير على بناتي ولا اقدر اضم وحده منهم واحس اني جافيه معاهم 000

بس لما يبعدون عني و ينامون اقوم ابكي واتحسر عليهم ليه سويت معاهم كذا ولما يصحون اليوم الثاني تبدى نفس المشكله معي00000000000000

بعد وجفى ومااقبل شي منهم وعلى هذا الحال والله متتخيلو كم احبهم بس ما عرفت اتواصل معاهم بحنان مدري كيف ابدى معاهم وابدى بنفسي بس ماني عارفه كيف ياليت تدلوني على طريقه تقربني منهم وتحسسهم بحناني سامحوني اذا طولت عليكم بس نفسي اعيش معهم بحنان ويحسون بحبي لهم تكفون دلوني على حل 000000000

16 تعليق 1,788 مشاهدة

شاركي في النقاش

سجلي الدخول لإضافة تعليق.

التعليقات

16
  1. @kshaah

    اختى ماادري بصراحه الله يكون بعونك يارب بس حرام بناتك مايحسون حنانك انا ماادري كيف تتواصلين معهم لكن عندي لك بعض الاقتراحات وان شاءالله تفيدك اول شي حبيبتي لازم تضغطين على نفسك بقوه وبالغصب تقولين كلام حلو لهم وغير احضنيهم بالاول ماراح تقدرين لكن حاول واضغطي على اعصابك والحلو انهم لسى صغار يعني ماراح يستغربون منك لو قربتي منهم او غيرتي معاملتك معهم ،، طيب بسألك هل انتي من زمان معهم وانتى كذا قاسيه ولا قريب تغيرتي ؟؟
    احتمال لاسمح الله تكون صابتك عين في بناتك
  2. @gtam_raftlt

    هلا ياعيوني انا اقل لك ياعمري عيالك من اولاد او بنات كالنبات كل ما اسقيتيه من الحنان واعطف والحب زهر عليه واعطاك من خيره اذا ما تحني على ظناك حشاشة جوفك تحني على مين طلما هما صغار الحين ففرصتك عوديهم وهم راحين للمدرسه وهم جايين يخمونك ويبوسونكواذا انت قاعده معاهم على التلفزيون خليهم يتسدحوا شوي على رجولك حسحسي لهم على شعرهم والله العظيم كل ما تعطيهم الحين وهم صغار راح يعطوك وهم كبار شوفي عيالي الله يحفظهم من كل شر اكبر واحد 35 سنه واصغر بنت عمرها 15 سنه ماشاء الله تبارك الرحمن مااشبع من ظمهم وتقبيلهم هم وعيالهم لاني عودت نفسي من صغرهم وعودتهم والله ما يشوفوني مريضه الا كل واحد فيهم يقول الله يسلمك يأمي جعل يومنا قبل يومك فديتهم اخيتي الله يسخر قلبك لعيالك ويسخر قلبهم لك آآآآآآآآآمين
  3. @mn_alksym

    التغير ما راح يحصل بين يوم وليله ... ابدي بالتدريج اولا شجعيهم على اي عمل يسوونه بالبيت لو ما صار زين بالمره عشان يحسون انك تحبينهم ..بعدين اهديهم هدايا لو رمزيه تحسسينهم انك مهتمه فيهم ... امدحيهم عند اهلك واهل زوجك على اقل مجهود يسوونه... اذا رجعو من المدرسه خليهم يبوسون راسك وراس ابوهم وعادي لو ما كانوا يسوون هالشي من أول ...قوليلهم انك قريت هالشي بالنت وانه تقدير للوالدين وانتي بعد بوسيهم بعد المدرسه ... اذا صرتو بالسوق مع بعض خليهم يختارون لك لبس وانتي شاركيهم بالرأي في اختيار ملابسهم :) وبالتدريج وبالدعااااااااااااااء بتتغيرين ان شاء الله ,,, وباعتقادي ان تربية الوحده في بيت اهلها على هالشي ينعكس معها على عيالها يعني اذا انتي مع الوالده من صغركم ما تعودتو على الاحضان واظهار الحب فهذا بينعكس على طريقتك مع ابنائك ... دعواتي لك بالتوفيق

تابعي تجارب أخرى من هذا القسم.