الخط الغامق الي يقسم البطن بالطول

والله احس فيه حريم يفرق معهم وحريم لا ماله دخل في تحديد جنس الجنين
اختي في حملها بالعيال طلع لها خط غامق
وببنتها ماطلع لها
سبحان الله على حسب كل حرمة تختلف عن الثانية

السلام عليكم ورحمة الله وبركاته
واله ما كان قصدي التشويق
لكني والله استحيت اقول
والموضوع هو الله يكرمكم حجم العانة حتلاقيه مع البنات كبر وصار من فوق عريض
واحيانا مع تكرار الولادة يصير ضعف الحجم
وبعض الاحيان ما يرجع لحجمه الاصلي حتى بعد الولادة
ام مع الاولاد فيكون بنفس الحجم العادي وإذا كنت جايبة قبل الولد بنت وصار عريض حتلاقيه يرجع لحجمه الاصلي مرة ثانية
عشان كده كانت ستى الله يرحمها ويغفر لها تقول انو الافضل انو الوحدة تختم بولد وطبعا كله بمشئية الله
انا عندي ثلاثة اولاد وبنتين وجربت الحكاية معاهم كلهم
وهذه المرة بضو كان بحجمه العادي والدكتورة قال لي ولد بإذن الله
وكل الحريم في عائلتنا ضبط معاها الموضوع وكل النساء الي ولدتهم ستى الله يرحمها
واتمني يزبط معاكم
وهذا عن تجربة شخصية وعن قول سيدة مسنة قامت بعمل الداية وهي في سن المراهقة بالاضافة للعلاج الطبيعي والحجامة
فأرجو من اي وحدة ما ضبط معاها الموضوع تقول من غير اهانة من فضلكم

موضوعك حلو يالامل الله يرحم جدتك ويغفر لها

تسلمي حبيبتي نغمة تائهة
والله احيانا بيحصل انو تيجي وحدة وتقول ايش الكلام الفاضي هذا او اي رد مو لايق يعني مو الكل يعرف يرد رد محترم يأيد او ينكر بذوق
وانا ستي عزيزة وغالية جدا على وما احب احد يهين ذكراهااو يكذبها بأسلوب رخيص
يعني ممكن الموضوع ده ما يزبط مع بعضهم ذي كل الامور الاخري فارجو انو الي ما يزبط معاه ترد بذوق
وبالنسبة لك حبيبتي يعني مع اولادك لهم ما حسيت بتغير صح؟
والله انا قد ما كنت متنية بنت واحب البنات تعقدت من هذا الموضوع لانه استمر بعد الحمل وصار البنطلون علي عيبة
والحمد لله تصلح كل شئ بحملي بولدي
وجاني رعب لما حملت دحين انو تكون بنت ويصير الي ما يسر

تسلمي حبيبتي ابتسامة
وشكرا يالغالية على الدعوة الحلوة ويريت الكل يدعو لها بالمغفرة والرحمة