مين جربت اسلوب غير الضرب وجاب نتيجة معاها

بنات حواء الغاليات

حبيت اسألكم هل فى حد جرب اسلوب غير الضرب واتى بنتيجة ايجابية

انا تعبت جدا من ابنى وهو كمان تعب منى وفى الكام يوم اللى فاتو جانى شكوى من الحضانة انه اصبح عدوانى وبيضرب ويزعق باستمرار وصعب الارضاء

طبعا حتقولوا اتكلمى معاه واستعملى اسلوب الصواب والعقاب .. بس عايزة اوضح لكم معاناتى معاه

اولا هو عنده سنتين وسبعة شهور ومش بيتكلم ابدا وبالتالى مش بيفهم كل الكلام اللى بقولوا
ثانيا معاى طفل صغير عمره شهرين وده مزود معاناتى معاه

دايما لما بيعمل حاجة غلط اقوله لأ يمكن اكتر من خمس مرات وهو مستمر فى عمل الحاجة لحد ما اتعصب واقوم عليه اضربه والغريبة انه بيرجع يعمل نفس الحاجة وكأنى لم اضربه وده بيعصبنى اكتر واضربه اكتر
عايزة اقولكم انى بقالى اسبوع كل يوم اقيس الضغط عندى الاقيه 150/100 عالى بصورة غير طبيعية مع انى طول عمرى ضغطى منخفض لكن هو بيوصلنى لمرحلة عصبية جامدة وبيرجع يصعب على لما الاقى كل يومنا عبارة عن ضرب وصراخ وعصبية ... وبدأ بالتبعية ينفذ نفس الأسلوب مع اخوه يزعق له وبعدين يضربه

طبعا حتقولوا بضربه ليه ايه يعنى اللى يستدعى كل ده
امثلة ... الكهرباء علطول يخرج الفيشة ويدخلها تانى وضربته اكثر من مرة مفيش فايدة (مينفعش اغير مكانها لأنها بتاعة الكشاف والسلك قصير)
الطينة بتاعة الزرع يفضل يلعب بيها ويرميها فى كل حتة ضربته ومفيش اى استجابة يدوب اقعد ارضع اخوه واخرج بعد شوية الاقى الدنيا كلها طين.
الحمام ... اسهى عنه شوية الاقيه عملها على الارض ووصخ بيها الدنيا ... ومرة مسح بالستارة .
المياه يلعب بيها لحد ما يغرق ملابسه ويقعد بعدها يكح.

فعلاً مشعارفة اعمل معاه ايه ... هو صعبان على وانا صعبانة على نفسى

23 تعليق 2,269 مشاهدة

شاركي في النقاش

سجلي الدخول لإضافة تعليق.

التعليقات

23
  1. @rynas_1

    اختي ولدك يعاني من الغيره من اخيه الصغير خصصي وقت للعب معه ولا تضربينه لانه راح يزيد جربي اسلوب التطنيش
  2. @am_nsybh



    ياقلبي الله يهديه يااارب ويكون في عونك
    لكن طفلك كونه لا يتكلم =لا يفهم معادله خطأ
    هو يفهم بالعكس كلميه عشان يتكلم
    وفيه اطفال حركيين ماشاء الله حاولي تبعدي عنه أي شي خطر بدل ان تقولي لألألأ
    ولا تبعدي الحاجه قدامه عشان لا يرسخ في باله اي شي خطأ هما لازم يشيلوه لأ
    نبهيه ومره ثانيه شيليه
    بنوتتي عمرها سنتين واستخدم معاها العقاب
    صراحه الحمــــدلله الاحظ جاب نتيجه حلوووه
    اخليها في كرسي الاكل تصيييح واقولها انتي عاملتي كذا وكذا خطأ ولازم تتعاقبي
    وممكن ولدك غيران من اخوه التفتي شويه ليه
    والضرب يعلمه الضرب
    ومثل مالاحظتي صار ما يجيب نتيجه ...لأنه اتعود
    الله يهديه يااارب ويجعله من حفظه القران يااارب

  3. أختي أنا بصراحه بنتي عمرها 3 سنوات كنت أستخدم معها ضرب بس ماكنت مقتنعه إنه ينفع لانه بنتي تزداد عناد كل ما أضربها
    بس بيوم تابعة بالتلفزيون برنامج أجنبي مترجم عن مربيه خارقه بMbc4
    بصراحه رووووووووووووووووووووووووووووعه طبقته وجاب نتائج حلوه
    يعني لما تغلط بنتي بشئ أحاول أنبهها أكثر من مره وأقول لها إذا بتسوين كذا ترى أحطك (أخصص لها مكان للعقاب في البيت)
    صارت الحين بمجرد ما أحذرها تبطل تغلط
    أتمنى أكون أفدتك
    بس حرام عليكي ابنك هذا يتهيألي انه مسكين مو ملاقي من يلعب معاه لاعبيه انتي وخليه يفرغ طاقته في اللعب
    أشغليه قبل ما يشغلك وحببيه باخوه الصغير
    والله يصبر الجميع
  4. @am_nayf_onadr

    اسلوبك غلط في التربيه واعذريني على هاالكلمه اولا انت تقولي انه مايفهم الكلام هوفاهم كل شي وكلميه على انه كبير يعني

    اذاعمل شئ غلط لاتقولين لالا00 رجعي الحاجه مكانها وقولي له باسلوب هادئ وعينك في عينه هذا غلط الشاطر مايعمل كده

    وخليكي دائما هادئه اذا شفت منه تصرف خاطئ لان عصبيتك هي الي تخليه عدواني دائما تعوذي من الشيطان الرجيم00


    خصصي وقت للعب معه وحطيه في حضنك لانه اكيد انه يغار من اخوه00

    ويمكن الحضانه لها دور في عدوانيته يقلد تصرفات الاولاد في الحضانه00

    استخدمي العقاب بان تقولي انت عملت كذا انا زعلت عليك وما أكلمك وفعلا لاتكلمينه حتى يتاسف وعلميه على انه يتاسف00

    والله يصلحه ويحفظ لك اولادك00

تابعي تجارب أخرى من هذا القسم.