أفيدوني عن العنقز..تكفوون

أهلين وسهلين..

كيف حالكم يابنات..

أدخل في الزبدة..بما أني دايم استفيد وأفيد..حبيت اليوم أسالكم عن ولدي..

حبيب أمه أبو سبعة شهور..ومعنقز..مضيق صدري مرررة....الحمدلله على كل حال بس الولد مسكين دايم تعبان ياصدره وآخذله بخار وهالاكزيما الي في وجهه ..وجسمه هزييييل مرة الي يشوفه يعطيه اربع شهور..

يعني أحس أنه ماعنده مناعة أبد ودااايم مزكم وخشمه متسكر..

المهم انا بسأل اللحين عن العنقز أو الجدري المائي مثل مايسمى طبيا..وش أسوي وش أعطيه وش أوكله..وش ابعد عنه..يعني أي معلومة تفيدني ..تكفون تراني عليمية...

مع العلم اني خذته للمستشفى وعطوني اللوشن الابيض ومسكن ومرهم بس بشوف خبراتكم ..لاتحرموني ..الله يخليلكم عيالكم ويصلحهم ياااارب..

27 تعليق 4,013 مشاهدة

شاركي في النقاش

سجلي الدخول لإضافة تعليق.

التعليقات

27
  1. @ghad_alryad

    الحمد لله على كل حال

    وتصيبه صغير اهون من وهو كبير (هالحكي عن تجربه)

    انصحك تنقعين له حلبه وتشربينه لانها ترم عضمه وتكبره باذن الله<< هذي مو علاج عنقز هذي لكل شي
    وطريقتها تاخذين لك ملعقه كبيره حلبه وتصبين عليها كاس مويه حار مغلي وخليها تنقع(بدون طبخ) وعقب ماتبرد صفيها وحليها بعسل ورضعيه)


    وعادي روشيه وعطيه تمبر ولا فيفادول يخفف الحساسيه والحكه بجسمه
  2. @am_alamamyr_2

    صاحبة الموضوع
    فعلا هالفترة مرة منتشر..

    بس يقولون أنه يقوي جهاز المناعة..بس أنا مضيق صدري عشانه صغيييير
  3. @nof_alhrby

    ياعمري الله يشفيه لك يارب 000
    انا ولدي جاله وهو ماكمل السنتين لكن خفيف لانه اخذ التطعيمه لكن ولدك لسى بدري عليه 00وطالما انه معاه حساسيه كثري له اليانسون والبابونج كل يوم رضعه تقريبا وهذي نصيحه من دكتور وانا ولدي معاه ربو واعطيه كل يوم رضعه من اليانسون اما العنقز ماله الا الكريم حق العنقز ويعطونه هيستوب او ماشابهه وفيفادول 000والله يعينك لايكون عندك احد غيره ماعنقز لانه يعدي 000
  4. @am_alamamyr_2

    صاحبة الموضوع
    لولوة حياتي..


    غادة الرياض..


    نوف الحربي..


    مشكورين على ردودكم وماقصرتوا..

    وعلى فكرة أخته أكبر منه ماجاها بس أقول بكيفهم خله يجيهم سوى وارتاح...


    بس ماأدري عن المويه كأني سمعت أنها مو زينة بس الدكتور يقول عادي وأنا ماأدري ؟؟؟

    وش رايكم؟؟

تابعي تجارب أخرى من هذا القسم.