من تقول أن ممكن تتأقلمين مع أسمك وتحبينه ؟ هذا مستحيل ( في نظري على الأقل)...
كنت متعقدة من أسمي من أنا صغيرة , حتى لما كنت في الأبتدائية ماكان لي صديقات من بنات بلدي, كانوا ينظرون لي وفي عيونهم الظحك تبان لما كانت تقومني المعلمه وتناديني بأسمي.
معلماتي في الأبتدائية كانوا يحسسون بأنه عادي.
ومعلماتي في المتوسطة كانوا يشجعوني أني أحب أسمي ووحدة منهم جزاه الله كل خير دورت في القواميس عن معناه وقالتي أسمك معناه جميل ولازم تتفتخري به وكانو الشعراء في العصر الجاهلي يذكرونه في قصائدهم.
بس أبداً ما حبيته ...
لما دخلت الجامعه حاولت أتأقلم ..حاولت أحبه وكنت أقول شخصيتي هي إللي بتحليه وبالإضافة إلى أنه غريب أنا مميزة .....
بسسسسس..
الصراحه أكتشفت أني أظحك على نفسي بهذا الشكل
وما قدرة أقاوم سخرية الناس من الأسم وين ما أروح
وحتى أهل زوجي خبروني أنهم ينحرجون لما أحد من جاراتهن يسأل عن أسمي حتى لما جبت ولدي الكبير ما أفتكيت منه ما زالوا ينادوني به.
ومصيبة هذا الإسم أنه بسهولة ممكن يصير بمعنى ثاني لما ينطق الإسم بشكل مختلف وكنت أنحرج مرررررررة
وإحراج الأكبر في المستشفيات والدوائر الحكومية والمطارات .
آخر مرة سافرت أنكتب أسمي على التذاكر بطريقة الله لايوريكم قررت بعدها أغيره للأبد على الأقل قدام الأغراب إللي ما يعرفون وخليت التذاكر حجتي عند أهلي وطبعاً ما حد درى من الناس إللي يعرفوني لأني عارفة أني بصير علك بحلوقهم وسالفة جديدة في مجالس الحريم الفاضيات . بس ما أفكر إلا بي لما أتوظف وينادون طالباتي بيه وزميلاتي وووغيرهم
وساعدني في هذا أن في منطقه بعيده
والمهم غيرته والحمد الله يارب الحمد الله . حسيت أحساس أخر عمري ما حسيت لما ينادون الناس اسم روعه جميل
ومرة من المرات قالتي وحدة تعرفت عليها( عاشت الأسامي أسمك مرة حلو ) سبحان الله أرتحت من كلمة( أش هالأسم الغريب أش معناه) بسخرية طبعاً
وترى إللى تبي تغير أسمها ماعليها من أحد أهم شئ راحتها والعمر بعد ما له تأثير أنا غيرت أسمي وعمري أكثر من 25 سنه.
أرتحت من الإسم القعده وعقبال عند إللي تبي تغير .:27:
مين اسمها علي جدتها !وهل تتوقعون ان هذا مشكله
متابعة النقاش، صفحة 9