هههههههههههههه والله سوالفكم حلوه...أنا الله يهديها خالتي قالت لنا انا وبنات خالاتي مابياخذونكم الا ضباط طبعا وانا صدقت او رسخت الفكره خلاص في مخي من هبالتي..وخلصت الجامعه ووجوني خطاب واحد منهم بعد ماخطبني حلمت بعد مازارتنا أمه واخته بحيه طولها تقريبا سبعة أمتار مثل اللي تطلع في الرسوم المتحركه في حوش بيتنا وبعدين تحولت الى مره ولحقتني بنت وجهها مغطى وكانه مغطى بطحين ولحقتني للطابق الثاني وانا اركض خايفه منها ورمت علي شي مدور له اسنان مثل اللي في جزمة الكاوبوي أكرمكم الله وصابتني في رجلي..وبعدين حلمت بالحرباء اللي كل شوي تغير لونها طبعا خفت ورفضت الخاطب وانا ابيها من الله بعد..
وبعدها صارلت لي اشياء غريبه كله في المجلس مره يطيح جمر المدخن وانا داخله ويحترق السجاد مره اول ما ادخل حتى على صديقاتي ينكب العصير وكأنه احد رمى الصنيه من يدي..وبعدين حلمت بديك محشووور في الجدار بين الطابوق (البلوكات) فوق دريشة المجلس وبعد فتره امي لقت في شباك غرفة نومها اللي فوق شباك المجلس شي غريب والعلم عند الله سحر او عمل..
وامي اصلا كانت حلمانه في زوجي انه جه المجلس وشافني وقام وقال خلاص ابيها وفعلا خطبني بس ماطلع ضابط مثل ماقالت خالتي وقلت انا ما ابيه انا قالت لي خالتي بتاخذين ضابط!!!!!!! ضحكت علي امي وقالت لي كل شي تقوله تصدقينه بس فعلا تيسرت الامور وشافني واول ماطلع من البيت خلى امه تتصل وهو في السياره وقالت اني عجبت ولدها والغريب انه من صفاتي وافق علي من قبل لا يشوفني وانتظر سنتين يبيني بدون لا يشوفني بعدين تقدم والحمد لله على كل حال....
مو كأني قلت قصة حياتي!!!!!!!! سامحوني عالاطاله..
موضوع طريف لطيف هل كانت هناك اشارة تبين انك راح تاخذي فلان (للمتزوجاات بسس)
متابعة النقاش، صفحة 8