السلام عليكم وحمة الله وبركاته
اهلا وسهلا بالجميع حياكم الله طبعا شفتوا في العنوان واخيرا الذبيحه من مطبخي
هي فعلا ذبيحه بس مو مثل تفكيركم هذي ذبيحه أرنب نفسي اطبخ ذبيحه قلت مالي الا ارنب
على قدنا الذبيحه من بياكلها ههههه
المهم نبداء بالخطوات وان شاء الله تعجبكم
{ مندي الارنب المحشي مع طريقة رز كلهامن ابداعي يعني طرق جديده }
المقادير والطريقه :
أرنب مغسول ومنظف تمام مثل مافي الصورة
نجهز التتبيله للارنب عبارة عن ( ملعقه صغيره ملح + نصف ملعقه صغيره من الفلفل الاسود
و الكمون والبهارات المشكله والفليفله الحمراء والثوم البودره والماجي الابيض + ربع ملعقه
من بهارات التندوري ان وجدت ورشة بهارات دجاج من اسناد وذرة صفار زعفران )
يفرك الارنب بالتتبيلة تماما مثل الصوره
نحضر ابره كبيره وخيط اذا مافيه خيط عريض ممكن نستخدم الخيوط العاديه وندبلها
ونخيط نصف بطن الارنب علشان نقدر ندخل الحشوه مانخيطه كله
نحضر حشوة الأرنب عبارة عن ( نصف كاس مكرونه اشكال مسلوقه في ماء وملح وزيت ثم تصفى
ويرش عليهاصفار الزعفران للون الاصفر يضاف لها ربع كوب ذره + بصل مقطع قطع صغيره
ومفروك بليمون اسود ناعم وفلفل اسود تخلط جميعا
يخاط الارنب كاملا الى النهايه مثل مافي الصوره ( بس لاتضحكون على ابرتي الورديه ماحصلت غيرها )
وهنا بعد ماخلصنا من العملية كلها
يوضع الارنب في صينية الفرن ويوضع عليه قطع زبده في اماكن متفرقه ونصف كاس ماء
ويغطى بالقصدير باحكام ويدخل الفرن لمدة ساعه حتى ينضج ويتحمر
يوضع معه في الصينيه صحن به زيت ويوضع عليه فحم مشتعل يغطى بالقصدير
علشان ياخذ نكهة المندي وممكن الاستغناء عن هالخطوه للي مايحبون نكهة المندي
يتبع
