والله إني أتألم عشانك
قلبي معاك وما أملك لك الا الدعاء الله يفرج همك
بس إياك إياك إياك تتساهلين معاه أو تعدينها له
إذا كان ما عندك أولاد والوضع في بيت أهلك يسمح تبقين عندهم نصيحة لا ترجعين له
واحد زي هذا ما عليه حسوفه وبتقضين حياتك معاه هم وغم وكدر حتى لو كنتي تحبينه
الا ان هداه ربي انا اقول اشتري نفسك وصحتك وسعادتك
أما لو عندك أولاد أو وضع أهلك ما يحتمل ترجعين لهم فلا ترجعين له لين تطلعين عينه
وحده من الثنتين يا انه بايعك ويقول بسافر وما همتني ووقتها بيعيه بتراب
يا انه يقول في نفسه بنبسط اللحين واذا رجعت راضيتها ووقتها لا ترضين الا بطلوع الروح وبشروطك
اللي اولها انه ما يسافر من غيرك وانه يروح يسوي تحليل
اما غير كذا الله يغنيك عنه وعن أشكاله
وانتبهي لنفسك وصحتك لا يجيك ضغط ولا سكر ولا مرض نفسي من اللي تسوينه في نفسك
وفي كل الأحوال اخفي الأمر عن أهلك وامك حتى لو وصلت الطلاق لا تقولين وش السبب
قولي ما تفقنا صار بينا خلاف بس استري عليه
وقولي لنا وش يصير معك والله يحفظك ويرعاك
كنت انقل مواضيع اللي كاسرين خاطري طلعت انا اكسر الخاطر
متابعة النقاش، صفحة 11