الجديد بس في فن التقديم لبنات الرياض ( سيتم حذف المواضيع المشابهه )

اهلين بنات
بنت الاجاويد قولي امين الله يسهل ولادتك ويرزقك الطفل المعافى السليم
كلامك مرة يعجبني واركز فيه

فاتحة صفحة الوورد واي شي يعجبني نسخ لصق:angry:

المهم ياحلوات
1- انا مرة زرت وحدة والدة وشفتها جايبة صينية كبيرة عريضة فيها مثل علب البهارات بس افخم ومزينة بأقمشة وسكر منتثر وجواتها اشكال من السكر
يمكن 7 أشكال كل شكل احلى من الثاني
الاشكال سهلة لقيتها ببازار مركز الامير سلمان واخذت رقمهم
لكن هالصينية الحركات كيف سووها؟ قد شفتو مثلها؟

2- اقرا هنا تقولون صبابة ترحب بالضيوف يعني شلون؟ تفتح لهم الباب وتدخلهم وتهلي فيهم؟؟
ابي افهم معليش؟ طيب وين دور صاحبة البيت متى يجي؟ وممكن رقم الصبابة حياة لاهنتو؟

3- في المستشفى بتحطون مفرش عالسرير؟ وتطقمونه مع لبسكم؟


شكرا ياأمورات

1- انا مرة زرت وحدة والدة وشفتها جايبة صينية كبيرة عريضة فيها مثل علب البهارات بس افخم ومزينة بأقمشة وسكر منتثر وجواتها اشكال من السكر

لكن هالصينية الحركات كيف سووها؟ قد شفتو مثلها؟ شوفي فانتيل فيه وحده تعمل صياني وشغلها حلو

2- اقرا هنا تقولون صبابة ترحب بالضيوف يعني شلون؟ تفتح لهم الباب وتدخلهم وتهلي فيهم؟؟انتي وطريقتك اذا كنتي في بيتك وماعندك احد تفتح لهم الشغاله وهذي تهلي وترحب مع اهل البيت عندك ام سالم بس يوميتها 300 ريال


3- في المستشفى بتحطون مفرش عالسرير؟ وتطقمونه مع لبسكم؟ اذا كان يجيك ضيوف وهذي طريقتكم فاكيد حتى مفارش الطاوله
وبعضهم وصلوها للستاير <<==مابعد وصلنا للهالمرحله بس زرت وحده مسويتهاا

اللي سالت عن المكسرات المغلفة تلاقينها في محل اسمه مورينا في شارع السويدي العام بس للاسف بعيد عني وماارحت له

room300
مشكورة ياقلبي ..


بنات اتذكر فيه محل حول ملاهي الخيمة اسمه البلور كان عنده اشياء غريبة هالكلام يمكن من سنتين بس سكر ماتعرفون وين راح ؟؟؟

بنات ايش قصدكم بكيك مغلف؟