مقالب حريميه بااااااااايخه؟!

وين الناس قضت المقالب والله ماهقيت

وشو:16: تنازلتي لا خليك في موضوعك ونا الي غلطانه ان شفتي خشتي في موضوعك اقصبي ارقبتي
مع السسسسسسسسسسسسسسسلامه انحش لايحوشك على قولت الكويتين

قريت كل الصفحات كلمة كلمة حرف حرف ...وخلاص من القهر ماعاد بي شي ينبض مابقى مني الا اصبع واحد يطقطق عالكيبورد.. :o

هههههههههههههههههههههههههههههههههههههههههههههههه

مااعتقد في بني آدم بالكون جرى عليه اللي جرالي ..وابكي على ماجرالي ياهلي ههههههه

يمكن سبق ومر عليكم اشكال تتسلف ملابس ذهب اكسسوار كتب ...الخ بس عمركم سمعتوا عن احد يتسلف نظارة طبية .!!!!:rolleyes:

مانيب عارفة ابتدي منين الحكاية <<< عبدالحليم على غفلة .. :09:

على فكرة عندي كتالوج كامل متكامل من سوالف الضغط العالي ..شي ايام الدراسة وقبل الزواج وشي بعد الزواج

على اشكال وانواع من الأبتلاء نسأل الله الستر والعافية ..:09:

بس خذوا سالفة النظارة قبل ..

وأنا بثالث ثانوي حسيت اني بحاجة لنظارة وقت الشرح عيوني صارت تزغلل كلمت امي وبصراحة اهلي مايقصرون معنا

مدللينا ع الاخر بنات وعيال وطلباتنا مجابه حتى لو كانت موبذيك الاهمية القصوى بحاجتها ..

للاسف فيه ناس تستغل هالظرف لمصالحها ويطيحون على وحده يقولون خل ناخذ منها هذي وحده مرفهه وماهي

فارقه معها ... لا والله إلا تفرق وتفرق ليش احنا يعني لاقين دراهمنا بالشارع...؟!!:mad:

رحت مع الوالد ربي يحفظه بعد صلاة العشا لمحل نظارات متخصص ماركات واسوي لي( نظارة شاريول ) تهبل

بــ 1800 ريال ذيك الايام لأنها بدون فريم يعني لو بفريم بيتضاعف السعر هذا غير فحص النظر ..

المهم من بكرى رحت المدرسة الا وتقزني ذيك التسلبه المصلحجيه اللي مبتليتني بعمري قبل سالفة النظارة

طول ماحنا بالطابور ماشالت عينها عني .. واول ما رن جرس الفسحه لقيتها عند باب فصلنا ( هي بالصف اللي جنبنا مباشرة)

وتطلبني النظارة قلت لها بس هذي طبية يمن تاثر على عيونك قالت لا بس باخذ فيها لفة مع صديقاتي وبرجعها لك على طول ..

والاخت فص ملح وذاب ..رن الجرس ودخلنا الحصة الرابعه واقضي 3 حصص بدون نظارتي وتجي فسحة الصلاة ادور على البنت وابد كنكم شفتوها انا شفتها :mad:

وانتهى الدوام وبرضو تهربت ولا شفتها واضطريت ارجع البيت بلا نظارتي وكنت خايفة من امي لو سألتني عنها

خصوصا اني ماتهنيت فيها حتى 10 دقايق ..:44:

المهم قامت الاخت تماطل وتماطل مره تغيب .. مره نسيتها بالبيت ..ومره كنت حاطتها فوق التلفزيون ومع العجلة

نسيتها .. ومره تسحبني على صفها وتقول ايه جبتها وتسوي انها تدور بالشنطة وتقول : يالله شكلي نسيتها اليوم بعد ..

المهم بيوم ثلاثاء قلت لها عندنا مناسبة الاربعاء وبغيب جيبيها السبت.. ويوصلني خبر انها جات الاربعاء شافوها بنات كاشخة بنظارتي ..:mad:
المهم مرت الايام والاخت مرة تغيب ومر ه تتهرب وانا مليت بصراحه ...

وتجي الطامة الكبرى ....بيوم من الايام وعقب الفسحة مديت يدي داخل الدرج الا والقى نظارتي مكسورة من قلب

من النص كل عدسة بصوب :icon33: ومخمشة وحالتها حالة ردية

ويوم رحت لها استفسر قالت : ايه معليش تهاوشت مع اخوي وقام كسرها .... ( بكل برود ) وقالت اذا تبين فلوس

بعطيك .. (قلت انا بنفسي من وين لك يالطرارة قيمتها ) وطبعا انا كنت واقفه مصدومه من ردة فعلها وتركتني وراحت تتمشى مع صديقتها بالساحه ..

ولا شفت منها كلمة أسف ولا شفت منها ريال .. وانتقلت نظارتي الى الزبالة وا اسفاه لان حالها مايترقع ..

بــ 1800 ومالمستها الا 10 دقايق ..:44:

وفي جعبتي الكثير والكثير ... لو تبوني اتحفكم باتحفكم ... والله يرحمنا جميع ..