شورو علي يا بنات وش اختار ؟؟ حيرني زوجي

مساء الخير للجميع
بنات انا بحيره ما يعلمها الاالله ساعدوني وشوروعلي وش اختار
انا والده لي 7شهور وعندي بنت وولدوزوجي يبغاني احمل مره ثانيه وقال اذا حملتي ابسويلك اول ما تخلصين الاربعين شفط دهووووووون بصراحه العرض مغري خصوصا اني اشتكي من الكرش وودي حل جذري لها المشكله وانا عمري 30 وانتم تعرفون ان الوحده كل ما كبرت باالعمر تضعف مبيايضها وش رائكم ؟؟
انا عيا يجيني نوم من التفكير باالموضوع ساعه اقول فرصه ما تتعوض وساعه اقول وش بيقولون عنى الناس قطوه كل شوي جايبتلها بزر واللــــــــــــه احترت شورو علي يا عاقلات ولا حطي مكانك مكاني وش بتسوييين
ذبحني التفكير وبس اطالع بولدي اللي توني جايبته والعبره فيني
بنات لاتقصرون علي باالرد انا انتظركم (علي فكره زوجي يقول اذا طولتي وما حملتى باالشهور هاذي راح الغي كل شئ )وكل يوم يزيد التوتر والقلق عندي انتظركم لا تخلوني وانا بحاجه لكم :icon33::icon33:

76 تعليق 6,841 مشاهدة

شاركي في النقاش

سجلي الدخول لإضافة تعليق.

التعليقات

69
  1. لاشدعوه بالعكس جيبيهم مره وحده عشان تفتكييييييين من همهم وتربيتهم مع بعض اما اذا نطرتي كم سنه وبعدين جبتي بزر ثاني موحلو..

    الافضل اسمعي شووووووور شايبش الله يبارك فيش...__هههههه حلوه شايبش هذي)).
  2. @msrkaa_hanm

    والله الإغراء احملي من غير شر ان شاء الله بس لا تخلين الاكل الصحي علشانك وعلشان البيبي واستخدمي من للحين الفوليك اسيد
    وطبعاااااااااااا الاستخاره لا تخلينها والله يكتب لك الخير

  3. وش ذا ياحررمه ارحمي نفسك وصحتك
    توك صغيره بالثلاثين اشوف الحريم 45 وتحمل وتجيب عيال مافيهم الا العافيه

    ماراح يتعب الا انتي وشفط الدهون ليكون على بالك تصيرين عارضه ازياء
    لازم جلسات وريجيم ورياضه
    مو بس شفط
    ماانصح ابد
    طفلك صغير يبي عنايه ورعايه
    مو توحمين ومالك خلقه
    المهم التربيه والرعايه مو مهم العدد

تابعي تجارب أخرى من هذا القسم.