شاركي في النقاش

سجلي الدخول لإضافة تعليق.

التعليقات

37
  1. @almsroaa

    هلا حبيبتي ام احمد

    بدخل في الموضوع دايركت

    أنا سويت لي تقويم تقريبا من 3 شهور والحين احس اسناني تعدلت كثييييييييييير عن اول بس بقولك المراحل اللي راح تمرين فيها:

    1- اول شي لازم ياخذ اشعه للاسنان علشان يحدد المشكله
    2- يسوي لك مجسم للاسنان (يعني في ماده تعضين عليها شوي وبعدين يشيلها)
    3- بعدين الدكتور يقرر على حسب حالتك كم تدفعين (انا قالي 13 ألف بس ووا لي تخفيض لان ابوي يشتغل في سااابك وكل جلسه 500 ريال)
    4- يبدا يحط لك بين الاسنان مطاط علشان يصير فيه مسافات ويقدر يدخل الحدايد
    5- يركبون لك باقي الاجهزه

    اول شي في البدايه بتحسين بألم وهذا مؤشر ايجابي يعني الاسنان تتحرك وفي تجاوب.....

    وبالنسبه لي انا خلع 4 اسنان بعد وقالي ان 70% من الحالات تحتاج لخلع اسنان....

    وانا ترى سويت التقويم في مستشفى المواساه (بالجبيل) بس ماانصح فيه يسبووووووونه واللي تبي تسوي تروح ابن سينااااااا خوش مستشفى

    والدكتور اسمه مهند الحجي هو غثيث شوي بس حبووووووووووب

    واي سؤال او استفسار انا بجاوب عليه << فاتحه عياده على غفله لوووول

    سلالالالالام ياششششششعب
  2. @sweety_1

    بنات أنا سمعت عن تقنية جديدة الي أعرفه انها في مستشفى دلة .. التقويم اللامرئي Invisalign ، مجرد طبعة من السيلكون (أعتقد) تلبسينها لمدة 22 ساعة في اليوم ( الساعتين عشان الأكل فقط تخلعينها ) تشد لك أسنانك حسب حالتك يسويها لك الكمبيوتر ويسوي لك عدد كبير منها تلبسين الوحدة مدة اسبوعين مثلا وتتركينها وتلبسين الثانية حسب الترتيب الي تحدده حالتك وهكذا ..
    ما تنفع لجميع الحالات .. يفترض ان مايتم خلع مع هذي التقنية .. هذا حسب معلوماتي والله أعلم

    :27:

    بقى أحط لكم صورتها عشان تتخيلونها :42:
  3. @just_style

    اه نسيت اقول لكم بعد
    sorry
    السلام عليكم

    رجعت لاقولكم معلومه مره مهمه
    التقويم الخطاء يسبب اصفرار الاسنان...يالله بسرعه كل وحده تروح عالمرايه وتشوف لون اسنانها...
    see you
  4. انا الدكتور قايلي اني احتاج عملية فك عشان اعدل اسناني لانه ماراح يتعدلون بالتقويم
    وصج فكي عوي ويطقطق لما افتح حلجي
    واسناني حدث ولا حرج
    كل واحد ماخذله طابق بروحه خخخخخخخخخ
    بس مادري وين اسوي العملية اكيد مو بالكويت مستحيل
    يمكن اروح فرنسا بس اخاف صلخ مايندرى عنهم

تابعي تجارب أخرى من هذا القسم.