ولدي عمره 3 شهور والى الحين ماطهرته

@alhor_alaayn_5

هلا فيكم ياأمهـــــــــــآت ..

ولدي أول ماولدته قالو معاه صفار ومانقدر نختنه ..

راح الصفار وسوو له تحليل دم طلع دمه نازل .. وقالو انتظري الين يرتفع ونختنه لك ...

واعطوني فيتامين الحديد له علشان يقوى دمه ..

وهذا احنا ننتظر متى يقولون لنا طهروه ..

وقالو لي احتمال نطهره ع 6 شهور ونسوي له بنج كامل

والله اني خايفه عليه .. وشو بنج كامل والمسأله كلها ختان ؟؟

يعني تخيلي 6 شهور ومختنينه .. والطفل بيكون في هالسن حركي .. يعني كل حركه بصياح .. من وجع الجراحه ...

وش رايكم .. اوديه لمستشفى خاص واخلص ؟؟؟

ولا انتظر اشوف وش يقولون بالمستشفى التعليمي لاني مراجعه ومتابعه عندهم ؟؟

ولد اخوي من انولد ومعاه فقر دم وختنوه اول ماانولد وماطلعوه من المستشفى الا وهو مطهر بمستشفى خاص

وهذا هو الحمدلله ماعليه الا العافيه عمره 3 سنوات الحين


شورو علي والله اني خايفه عليه

23 تعليق 13,780 مشاهدة

0 0

شاركي في النقاش

سجلي الدخول لإضافة تعليق.

التعليقات

23

  1. @aryna_3

    انا نفس الحكايه ولدي عمره 51 يوم ولسى ماطهرناه بسبب الصفار ..

    وقالنا الجراح استنوا بعد التطعيمات اللي في عمر شهرين ..والله يعين ..

    بس اهم شي انتي لا تخافين عليه ..


    لان الطهار 3 ايام وهو طيب ان شاء الله ..

    بعدين ماندري وين الخيره ...والحمدلله على كل حال ..

  2. @shmokh_aazy_3

    أرينا
    انا نفس الحكايه ولدي عمره 51 يوم ولسى ماطهرناه بسبب الصفار .. وقالنا الجراح استنوا بعد التطعيمات اللي في عمر شهرين ..والله يعين .. بس اهم شي انتي لا تخافين عليه .. لان الطهار 3 ايام وهو طيب ان شاء الله .. بعدين ماندري وين الخيره …
    عادي حبيبتي اخوي طهرناه وهو عمره سنه ونص والحمد لله وقتها كان يدخل الحمام وحده .. ويوم سوينها له تعب كم وبعدها الحمد لله ولا فيه شي ....:)

  3. @aazyz_bdynha

    السلام عليكم ورحمة الله وبركاته

    والله حبيبتي ماعندي خلفية لان عيالي الحمد لله يطهرونهم ثاني يوم بعد الولادة ..

    لكن ما خاب من استشار .. روحي استشيري دكتور ثاني وشوفي وش يقول والله يكتبلك مافيه خير ولا عليه شر ان شاءالله ..

  4. @mraoy82

    الي اعرفه انه مايعيق لا الصفار ولا فقر الدم ربعي عيالهم ثنين فيهم نفس الشي وختنوهم عقب اسبوعين من الولاده
    انتي استشيري دكتور ثاني وشوفي شيقول

  5. @am_fars_2

    عزيزتي 0000

    روحي لمستشفى ثاني وشوفي ايش يقولون لك مع انك تراجعين بالتعليمي

    واللي اعرفه انه كويس وفيه افضل الاطباء

    وترى ما يحتاج تروحين للاطباء بنفسك كلمي بالتلفون

    واستخيري

    و ان شاء الله ما يتعب ويقوم بالسلامه

تابعي تجارب أخرى من هذا القسم.