شاركي في النقاش

سجلي الدخول لإضافة تعليق.

التعليقات

52
  1. @bnt_alamgad_1

    بائعة الكبريت
    مشكورة ياقلبو بس انا اشتغل صعب اجلس بدون شغاله وهذول اجانب على قد مايجي منهم لاعندهم فقه ولا علم مشكلتك في جيل بلاد الحرمين اللي من نعومة اظافره درس الكبائر والحلال والحرام وعرف عقوبة الزنا


    حسبنا الله ونعم الوكيل الله ينصركم على من ظلمكم وربي يعجل بالنصر ...........
    فعلا أختي كبروتة مشكلتنا في الأبناء الدين ينطبق عليهم قول من أمن العقوبة آساء الأدب وشوفي حبيبتي قصتنا الطازجة لعل لك فيها عزاء تخيلي الموضوع البارح الساعة العاشرة ليلا أرسلنا ولدي يشتري عشاء من مطعم مرررررررررة قريب من البيت المهم معاه أولادي الصغار وبنتي اللي سنة سادس ابتدائي طبعا اشترى العشا وفتح باب السيارة الخلفي وجوا ثلاث شباب بسيارة وعلقوا البوري يعني وسع الطريق طبعا الحكاية ما أخدت دقيقتين اتخيلي تفتحي باب عشان تركبي وإلا تحطي كيس في السيارة وطبعا طل فيهم ولدي بمعنى خير إيش فيه ؟ قفل الباب وقاموا دقوه بالسيارة تخيلي وهو واقف والحمد لله ربي سلمه وفي نفس الوقت يتلفظوا يكلام زي ياحلوا ( على فكرة ولدي هدا مفارقة الحلا بسم الله عليه طبعا الغربة ياقلبي عامله عمايلها فيه ) ومن كلامهم كمان هات اللي معاك نوصلهم تخيلي بنوتة عمرها خمس سنوات وولدي عمره ثلاث سنوات وبنتي اللي في سادس ولسا صغيرة مو باين عليها العمر طبعا هنا ولدي جن جنانه وقالهم شكلكم ما أنتم في وعيكم وركب السيارة واتصل علينا لما شافهم ناوين شر وقال خلو الوالد يجيني بسرعة عند الرهيب ( المطعم ) في هدا الوقت ولدي جا طبعا معاه إخوانة مايقدر يتصرف معاهم واتخيلي من أول مادخل الاسكان وهما وراه والله مطاردة ماراثونية يصدموا سيارة ولدي بسيارتهم
    وطبعا كسروا زجاج السيارة اللي خلف الراكب بحجرة أكبر من راس بنتي والزجاج طبعا غطى بنتي اللي عمرها خمس سنوات وكأنه مطحون طحن في شعرها ( والحمد لله اللي ربي سلمها من الزجاج والحجرة ماجات في راسها ) وطبعا أثناء المطاردة نزل واحد منهم واتشعبط فسيارة ولدي ومعاه سكين وولدي يفحط بالسيارة عشان يطيحة و ربي سلمه يادوب ولله الحمد كم خرمشة في يدة اللي بالطرف طبعا من سكين السكير المستهتر .... المهم احنا في هدا طبعا على طول رحنا المطعم زوجي لوحدة وأنا مع ولدي الثاني جايه من السوق وعلى طول على المطعم وما لقيناه تخيلوا حالتي في الموقف من أول ما أتصل على أخوه وقال خلي أبوي يجيني عند الرهيب ولما أوصل ما الاقيه وزوجي يدور عليه وفي كل مرة يقوله هو في مكان مو قادر يحدد مكانه من المطاردة واتخيلي حالة أولادي اللي معاه في السيارة والله العظيم دخلت عليهم في البيت والاقيهم يرتجفوا من الخوف وشفايفهم مزرقة وبنتي ماتشوفي شعرها من الزجاج طبعا في هدا الوقت قابلت زوجي وولدي ينتظروا الشرطة في "أول الشارع وهنا اسمعي الطامة طبعا الشرطة على طول عرفتهم وقالت إنهم أربع وعشرين ساعة سكرانين وعليهم أكثر من مية قضية أخرها قبل اسبوع اعتدوا على محطة ومدري إيش عملوا فيها ووروا زوجي سيارتهم محجوزة عندهم في القسم طبعا هنا زوجي قال ايش تنتظرون ماتعاقبونهم وهنا الطامة الأكبر وروا زوجي تعميم إنه مافيه عقوبة رادعة إلا في خمس عشرة حالة أظن من ظمنها القتل ( يعني حضرتهم يستنوا لحد مايقتلوا أحد عشان يعاقبوهم عقاب رادع ) وإلا اعتداء على رجل أمن أثناء تأدية وظيفته ( طبعا رجال الأمن مايداس لهم طرف وأولاد الناس عاااادي ) ومنها كمان التسبب بعاهة مستديمة ( والعاهة هنا بعقول من وضع القائمة ) المهم آخرها إدا بلغت تكلفة ماتسببوا في إتلافة أكثر من خمسة الآف ريال ( وطبعا هدا البند اللي بنتشعبط فيه لأن السيارة لو تشوفيها تقولي الحمد لله اللي سلم اللي فيها باإضافة للتقرير الطبي اللي عمله ولدي على يدة طبعا إصابة ولله الحمد بسيطة بس اسمها إصابة وكان ممكن تكون أكبر من كدا لولا لطف الله فيه وفينا وطبعا فكل قضاياهم اللي راحت عقوبتهم ياتعهد ياسجن يومين وإن طولوا اسبوع ( مع إنه المفروض اللي تتكرر إساءته يعاقب عقاب رادع يخليه يفكر ألف مرة قبل مايغلط على أحد ...........

    المهم والمغزى ( وأعرف إني طولتها بس من اللي فقلبي إنه من أمن العقوبة أساااااااااااء الأدب )


    بالله إيش رايكم وكيف التصرف ؟
  2. @aaalm_akhr_2

    بنت الأمجاد
    حسبنا الله ونعم الوكيل الله ينصركم على من ظلمكم وربي يعجل بالنصر ........... فعلا أختي كبروتة مشكلتنا في الأبناء الدين ينطبق عليهم قول من أمن العقوبة آساء الأدب وشوفي حبيبتي قصتنا الطازجة لعل لك فيها عزاء تخيلي الموضوع البارح الساعة العا…
    بنت الأمجاااد

    الحمدلله على سلامة أولادك وحسبي الله ونعم الوكيل في من تسبب في ترويع المسلمين

    شوفي أنا عندي لك حل وأن شاءالله بأأذن الله بتاخذين حقك قضيتكم مو سهله لكن الشرطه أتركوها والله ماعاد لهم سلطه

    قولي لزوجك يجمع كل التقارير حقتكم ويتوجه مباشرة إلى أمارة المنطقه حقتكم


    ويقدم فيها أنهم كانوا في وضع مشبوه وتعدوا باألفاظ غير اخلاقيه على ولدك وبنتك


    يعني باإختصار قدموا كل اللي حصل وأكتبوه وصدقيني بتشوفون نتيجه مرضيه لكم باإذن الله لأن مافي فوق الأماره إلا وزارة الداخليه والأماره ماعندهم محسوبيات ومعارف مثل الشرطه


    وطمنينا على سير قضيتكم

تابعي تجارب أخرى من هذا القسم.