السلام عليكم ورحمة الله
اهلين بنات كيفكم ؟
بصراحه أنا مره اشكركم على الطبخات الحلوه والحمدلله احس اني
صرت سنعه وهذا بفضل الله ثم بفضل هالمنتدى الغالي
المهم اليوم جايبه لكم طريقه حلوه وسهله بإذن الله تعجبكم
اولا المقادير :
لحم مقطع صغار كأنك بتسوين شوربه , بصل مقطع قطع كبار ( نص دائره) , وفصين ثوم
ماجي , بهاراتك المعتاده , خضار على حسب المتوفر عندك (باذنجان, زهره, كوسه,بطاطس,جزر)
قطعيها مكعبات صغيره .
المهم نجي للطريقه
اولا تبلي اللحم بالبهارات ورشة ملح
جيبي قصدير وصينيه وغطي الصينيه بالقصدير وخلي القصدير لا تقطعينه
ادهني القصدير بزيت زيتون شوي
المهم حطي بصل بعدين اللحم بعدين الخضار
وذوبي الماجي في نص بيالة مويه وصبيه عليه
بعدين كملي تغليف الصينيه الهدف من الطبخه انها تطبخ جوا القصدير
فلااااااازم تحكمين قصدرته
ودخليه الفرن وخليه من ساعه الى ساعه ونص
طعمه روووووعه وترى صحيه 100%
اتمنى تعجبكم بس زوجي مررررره عجبته
شاركي في النقاش
سجلي الدخول لإضافة تعليق.
التعليقات
20
مواضيع مشابهة
تابعي تجارب أخرى من هذا القسم.