ساعدوني بكمية الرز تكفووون

اخواتي ياريت تساعدوني
عندي مشكلة!!
ماأعرف أقدر كمية الرز على حسب كمية الأشخاص:D
وأهم شي ودي أعرفه
كم الرز اللي أحتاجه لعدد 10 أنفار؟
وكم الرز اللي أحتاجة لكمية 5 أنفار؟
تراني شاطرة وأعرف اطبخ بس لأن أهلي الله يحفظهم ماياكلون الرز كثير
ولما تزوجت أهل زوجي ماشاءالله كثير فشله اسئلهم كم أحط:blink: وهو بعد وده يعزم اصحابه
الله يجزاكم خير دلوني

19 تعليق 242,420 مشاهدة

شاركي في النقاش

سجلي الدخول لإضافة تعليق.

التعليقات

18
  1. @ukleeds

    انا لو عندي عزيمه لعدد 10 اشخاص

    احط 7 كاسات او اكثر

    ولو 5 اشخاص 4 كاسات

    لان عندي قاعده وحده قالتها لي الله يجزاها خير ان الكاس يكفي شخصين

    بس العزايم لازم تزيدين عشان ما يجي شوي وتتفشلين
  2. @kbosh_1

    اذا ماعرفتي تقدرين جيبي الصحن اللي تحطين فيه الرز وتقدمينه فيه وعبيه لحد مايتغطى كله ويرتفع سم واحد تقريبا...

    وبيكون مقدراك ممتاز
  3. @bnt_ngd_42

    انا بالنسبه لي احسب عدد المعزايم اذا 5 احط 3 كاسات لانه زي ماقالت الاخت لكل شخصين كاس بس لازم الزياده لانه يزيد ولا ينقص
  4. مساك الله بالخير عيني مقدار كاس لكل شخصين ممتاز جدا انا مع الاخوات
    لكن لاتنسين اذا معه اشياء ثانيه كثيره "يعني عزيمة حريم"تعرفين يالله يلمسون الرز ويطحون في الخرابيط "في الحريم خلي الرز كل ثلاثه في كاس
    اما اذا رجال " تراهم يضربون من الرز ويخلون اي شي غيره"
  5. @ofaaa_alryad

    مساء الورد اختي
    خوذيها مني نصيحه
    قيسي في بيالة الشاهي
    كل واحد بيالة
    واذا عزيمة حطي زيادة بيالة للحشوة فوق وبيالة اذا لصق شي باخر القدر
    سويها وادعي لي والله ممتازة ومجربه

تابعي تجارب أخرى من هذا القسم.