ما ابغي هدايا في عيد ميلاد ولدي!!!!

مرحبا يا بنات..


لا تستغربون من العنوان.

السنة اللي طافت ولدي جمع هدايا كثيرة .. ولأنه ولد فمعظم الهدايا كانت سيارات .. وتقريباً جمع حوالي 16 سيارة.

وانا بطبعي ما احب اعود ولدي على الألعاب بزيادة .. ولا احب انه يتعود على كثرتها عشان ما تفقد قيمتها وأهميتها في نفسه .. أو انه يحس انه يحصلها بسهولة.

والشي الثاني احس الناس تستسهل سالفة السيارات للولد والعرايس للبنت .. وانا احب ان الالعاب تكون مفيدة أكثر .. يعني مثلاً اللاب توب الصغير اللي يعلم الارقام والحروف .. مكتب صغير للرسم والكتابة .. أو حتى الالعاب الكلاسيكية البسيطة اللي يكون فيها التعليم بقدر اللعب والتسلية.

ومعظم الناس ما تفكر في هالأمور يوم تقرر تشتري هدية لطفل!!!


طبعا انا ما باقدر اتشرط على الناس واقول لهم ييبو ولا تيبون .... بس فكرت انهم لو ما ييبون احسن .. وفي نفس الوقت ادري انهم بيستعيبون ييون عيد ميلاد الولد وايدهم فاضية .... فقلت الهدايا النقدية بتكون أفضل حل.

بس طبعا ما باقدر اقول لكل واحدة هالكلام .. ولا باقدر اقول (لو سمحتي ما ابا لعبة ولو تقدمين فلوس بيكون احسن) وفي نفس الوقت ما ابا اللي صار السنة اللي طافت يتكرر .. والاهم ان الولد متعشم في حفلة عيد ميلاده ويترياها وانا ما ابا اكسر خاطره واحرمه من اجتماع الاطفال خصوصا انه اساسا ما يشوف اطفال من سنه وايد .. يعني بالمختصر حفلة عيد الميلاد فرصة ذهبية لولدي.


ما ادري انا شو ابا بالضبط .... بس هي فضفضة يمكن حد يقترح علي اي شي.