سافطني ومادري شسوي له :(

السلام عليكم اول شي

طبعن انا عضوه جديده بهذا المنتدى الرائع وهذي اول مشاركه لي واكتب موضوع :39:

السالفه اني متزوجه من 7 شهور تقريبن

ومتزوجه شخص بقناعتي طبعن وهو الحق الصراحه مايعيبه شي من ناحية اخلاقه وتربيته

بس في مشكله مره اعاني منها من ايام الخطوبة وياه
انه انسان سفط ومايعرف يتعامل من الاناث

يعني انا رومنسيه لاابعد درجه وهو ابد ولا هو حاس فيني
ولاحظت هالشي فيه من ايام الخطوبه وكانت فترة خطوبتي قصير مرره شهر ونص يمكن
ماامداني افهمه والبدايه الصراحه كان يجي ويدق ويسئل واوكي بس بعدين صار متغير شوي ولا يسئل واذا قلت له
قالي تعرفين الدوام اجي تعبان وعشان اجهز للزواج والشقه وكذا واناالصراحه لمته لان جد حتى انا ماكان عندي وقت
وكان مايدق علي الا مره باليوم وماتتعدى المكالمه 3دقايق
وطبعن المكالمه رسميه لابعد حد يعني كيف الحال وايش سويتو وماتطلع ابد عن هالحدود وانا نت احاول اتقرب احاول اتميلح لاكن لاحياة لمن تنادي :(
بس كنت احس فيه شوي لما كان يجيني البيت يعني يتحرك الجوي شويات
مع اني شهر ونص ماجاني الا 4مرات يمكن ولبيتنا وبيتهم 7 دقايق يمكن وطبعن ماكنت عايشه فترة خطوبه مثل هالبنات طلعات ودخلات مع ان عادي عندنا اختي الي اكبر كانت خطوبتها 5شهور كلها طلعات ووناسه وانا كنت انتظر اليوم الي اطلع مع خطيبي فيه وهو ابد ماجاب سيره ولا مره قال بعزمك على مطعم

طيب سكتنا

جينا للهدايا تخيلو اني انا كل مانزلت السوق تقريبن شريت له شي معاي :) واخلهم اجمعم لما اشوفه واعطيه اياهم
راح نص مهري بهداياه لان طبعي احب اهدي كيف لو كان واحد احبه ومره قالي دوري لي شورت حق الصيف بالدوام لان دوامه بالشمس والله بدال ماجيب له واحد جبت له 4 مع تيشيرتات

وغير كانت في مناسبة عنده ورحت وسويت له كيك وشريت له باتشي وشريت له عطر بذيك القيمه مع محفظه ماركه وميداليه وكفاية تغليفتها وارسلتهم مع السواق بيته ومرره انجن

ورغم كل هذااا

ماشفت منه شي ابد وانا ساكته مع انه مايبخل لنفسه بشي وعنده فلوس وشقتنا في بيت اهله يعني ماعنده لاايجار ولا شي بس عن الحلال والحرام جاب لي شنطه وياليتها حلوة بعد

صحيح انها غاليه بس ابد مادخلت مخي ولاقدرت اقوله رجعها لانه عطاني اياها بااول زياره وكنت مره مستحيه
وهذا هي لااستفدت منها ولا شي معوره قلبي ومره شينه ولا هي من ذوقي بس الحمد الله ماقالي البسيها

اوكي جينا هنا وتزوجنا وقلت يالله يابنت بكره اغير طبعه والولد ماقصر معاي

وبديت حياتي معاه

متزوج ولا كنه متزوج

يعني احس نفس طبعه ابد ماتغير يجي من الدوام وينام لما المغرب يطلع مع ربعه لما الساعه 9 ويجي يجلس شوي 11ينام وهكذا :44:

ويوم الخميس احنا جمعتنا ببيت اهلي ويخليني عندهم لما الساعه 1 او 2 ويجي ياخذني <<طبعن برغبتي لان خواتي واخواني مايطلعون الا بهالوقت

ويوم الجمعه هم متعودين انهم يروحون يتغدون بيت جدهم بس الرجال فانا اجلس لحالي مع خواته وامه وعلاقتي معاهم سطيحه لفارق السن لان خواته كبار مره وانا عمري 20 وخواته وحده عمرها 38 ووحده 34
ومتزوجات ونادر مايجون يوم الجمعه فا اتغدا انا وامه بس والقمه توقف بالبلعوم وربي من الحيا

واذا جا الساعه 3 ينام طبعن لان النوم اساس بحياته لما 6 ويقوم ونطلع طلعه والله ماتبرد القلب وماتجي الساعه 9 الا حنا راجعين مايحب يتاخر والسبت دوام يقول

طيب والله هو معاملته معاي جدا راقيه وذوق وماانكر انه يجبني بس هو مره عديم الرومنسيه ذابحني انا رومنسيه حيل وهو ولا حاس

يعني مثل لو كنت انا جالسه بالصاله وهو معاي وقالي يالله بروح انام اقوله لا تو الناس ياقلبي لاتنام وجلس اتدلع عليه يقولي لاتستهبلين انا دايخ وتعبان

والله اني متحطمه

ولو مثلن كان بالدوام اتصلت عليه قلت له اني مشتاقه له يقول هذا وقته تدقين انا بالشغل يابنت الناس واتفشل واقفل

وغير وغير وغير

وذاك اليوم :قلت له بعزمك على مطعم قالي اكل امي ازين :mad: في احد كذا؟؟؟؟؟؟؟؟

لاتقولون بخيل انا قلت له بعزمك يعني انا الي بدفع

وغير كذا اانا اقوله كلام حلو ومااناديه الا فيه وما اكلمه الا بدلع ولا عمري ناديته حاف لازم ياقلبي ياعمري ياحبيبي الخ....

وهو ماعمره قالي كذا ياااااااااناس

رغم ان سنا متقارب مع بعض مره ومافي ذاك الفرق

بس هو انسان طبعه كذا مايعرف بتعامل مع الاناث

واشياء كثيررره ماقدر اقولها المشكله اني كم مره حبيت اوصله اني افتقد حنانه وعاطفته ولا هو راضي يفهم
يعني ايش اسوي كرهت الزواج وانا بااوله حسيت انه روتين ممل الصراحه صرت استانس ببيت اهلي اكثر

وزياده على كذا مايسولف ابد يعني مافي سوالف بيني وبينه نجلس ساكتين طول الوقت حتى اذا جيت بسولف له ماعرف شقول مافي شي مهم واذا سولفت احس باله مو معاي

احيان اقول شكله مجبور علي واحيان اقول لا حرام يحبني ومو مقصر معاي

والله ماني عارفه شسوي لان هذا الشي ماهو فتره ويروح خلاص بيلزم معاي طول عمري

الي عندها حل تقولي يارب يفتح عليها
هل اني اغير معاملتي معاه واعامله بجفاف مثله ؟
او اني استمر على ليني معاه ؟

اسفه ع الاطاله بس ياليت تساعدوني:44: