شرايكم نسوي ملف لأفضل و أسوأ ما استخدمناه من مكياج لكل الماركات..ياليت الكل يشارك

حلواااا فكرة الموضوع0
أنا الشيء إلي ما عجبني هي أرواج سان لوران , وظلال بودي شوب مررررره بايخة 0

و أضيف بعد من الأشياء اللي خدعت فيها و ما عجبتني و مركونه/

البودرة المضغوطة من لانكوم ........ صج مو زينه و تتكتل كأنها صبغ

الأرواج على شكل قلم و تبرينه من بودي شوب ..... تنشف الشفايف لا بعد ريحتها خايسة (شوي على حلبة)

الشدو مال الهنود ...... ما منه فايدة و الوانه مو طبيعية

الشدو من كلينك ...... يعطى ضباب و لونه جداً خفيف لا يعكس لون العلبة اللي ترينه

كويتيه صغيرة, اي ماركه شدو هنود اللي تقصدينها؟ نيبو و الا نوع ثاني؟ لان نيبو حلوة و تعطي لون قوي..

كويتية صغيرة
مشكورة عالمشاركة حبيبتي حياج الله
وعلى طاري شدو الهنود يقولون البنات بللي الفرشا مالت الشدو بشوية ماي او حطي كونسيلر على عيونج من غير ماتحطين فوقه بودر وبعدين حطي الشدو وبيطلع لونه زين
انا للحين ماجربت

عطر الحكي
حياج الله حبيبتي ومشكورة عالمشاركة



حزن الشمال
اعتقد الاخت قصدها عن العلبة اللي تجي فيها 30 او 60 لون
هذي عندي منها ومثل ماقالت مايطلع اللون حلو
بس بجرب طريقة الماي واشوف

نيبو ما غيرها ، عندي علبة شكبرها فيها كل درجات الألوان
بس تعرفين لما أحط من اي لون على الجفن (و خصوصاٌ اذا لون غامق شوي) بعد فترة القاه تحول لخطوط كأن عيني فيها تجاعيد ، يعني يبرز خطوط العين و ما يعطيك لون واحد كقطعة وحدة ، فهمتيني. مع انى في العشرينات و بعد مافيني تجاعيد الحمدلله. بس لأنى جربت أشياء ثانية وايد وايد أحسن من نيبو.
انتى جربي أي لون من ماك حطيه باصبعك بكمية و شوفي اللون شلون واضح و طبقة وحدة تلعبين فيها مع ألوان ثانية على كيفك.
و صحيح الغالي قيمته فيه.