يابنت الحلال مشيها
لو جلسنا على اخطاءهم ماخلصنا
ولو تهاوشنا على كل غلطة يسوونها كانت كل ايامنا هواش ولا عمرنا تصافينا
الصلاة الله يهديه المفروض هو احرص منك عليها لانها هو اللي بينسأل عنها
انت ذكريه بكلام لطيف على الصلاة مثلا قولي له اكيد انك ماسمعت الاذان مدري وش فيها السماعات حق المسجد صار صوتها واطي
او اقفلي المكيف اذا قال ليش قولي لان صوت الاذان مانسمعه خايفة تفوتنا الصلاة
يعني سوي نفسك موب منتبهة انه قاصد مايروح للصلاة
من ناحيتي هذا اللي اسويه معه لو ماقام للصلاة
تمشي احيانا واحيانا لا بس المهم اني نبهته وبس
اما عن القهوة تصير معي احيانا لكن اكتم غيضي وقهري بقلبي واقول له بهدوء وبابتسامة
خسارة بردت القهوة لانك تاخرت عنها يبيلي اسخنها والحلى مسويته عشانك ابي رأيك فيه وكلمتين زينة ويمشي الحال بدل ما أقلبها هوشة وانا الخسرانة بالاخير
بعض الرجال مايهمهم مشاعر الحرمة كل همهم اللي يريحهم وبس واذا انتقدتيهم قلبوها فوق راسك لانك طلعتيهم غلطانين وهم في نظر نفسهم ملائكة ماتخطيء هههههههههههههههههههه الله يعظم اجرنا بس
ايش يكوووون موقفك لو تصلحتي وجهزتي القهوه والحلى وتركك وطلع
متابعة النقاش، صفحة 5