تعالي حبيبتي .. وش مضايقك بنفسك

السلبيات كثيييييييييييييييييره قد شعر راسي:منها
1/العصبيه الزايده عن حدها تقولين نار شابه..
2/عدم الثقه بالاخرين..<حذره بالتعامل مع الاخرين زياده عن اللزوم...
3/مااقدر اتعامل مع ناس ماحبيتهم ابدا ابدا او حتى ماارتحتلهم.. مع انه غلط كذا بس ماقدرت اغير هالطبع..
4/اخاف من 3اشياء ويمغصني بطني اذا سمعت طاريها <الاغتصاب والحرامي والبحر>> مادري وش علاقتهم ببعض
5/مسسسسسسسسسسسرفه لابعد درجه وماعرف انام وبشنطتي ريال ..
اما الايجابيات الحمد لله
1/بنت ماتزوجت انام واتبطح واسهر واطلع على مزاجي وبالوقت اللي ابي محد يرفع لي ضغطي..<باختصار حرة نفسي..
2/طباخه ماهره والكل يمدح طبخي ..
3/رزقني ربي بوظيفه ولاعمري حلمت فيها الحمدلله والشكر اللهم ادمها نعمه ولاتحرمني منها.
4/عايشه بامن وامان لاحروب ولا زلازل ..يالله لك الحمد والشكر..
5/عندي اسلوووب اقناع رهيب( كلامي مقنع)اذا بغيت شي من احد مااشيل هم بسرعه يقتنع..

انتهى والف شكر لصاحبة الموضوع

السلبيات: اكثر شي يضايقني شخصيتي الضعيفه

الايجابيات : الحمدلله دين وصحه و زوج وعيال وبيت ونعم كثيره لو اعد من الحين الى الصبح ما قضيت الله يرزقني شكرها

انا يللي مضايقني في نفسي اني كتاب مفتوح لي صديقاتي اخوالي وسلفاتي مااعرف اكذب ولا اخبي بقلبي ابد :D واتكلم ومااسكت ابد يعني اي شي خاص فيني وسري اقوله لاخواتي وصديقاتي بس انا اتضايق مره اقول ياريتني مااتكلم وما اعرف الف وادور ابد :hahaha: اما الايجابيات :16: فكثيره ولله الحمد ماغار من احد وما احسد احدانسسانه في حالي مااحب اتدخل بخصوصيات احد الحمدلله والشكر شخصيتي قويه وجذابه ولمن يدخل شي براسي ما ينزل الااصر عليه ويصير وعندي اسلوب اقناع وسلامتكم :27:

السلبيات

عصبيه لدرجه الجنون ولما اترفز افقد عقلي

ماني ملتزمه كثير بديني (ادعولي با الهدايه)

اسامح بسرررررررررررررررررررررررررعه

فيني طواله لسان

وزني زايد شوي ومو راضي ينزل

فيني غيره من الرشيقات (تجيني حموضه لما اشوف وحده رشيقه )



النعم :

اللهم لك الحمد كما ينبغي لجال وجهه وعظيم سلطانه

والله ما اقدر احصيها

اللهم لك الحمد

اللهم لك الحمد

اللهم لك الحمد

اللهم لك الحمد حتى ترضى
ولك الحمد اذا رضيت
ولك الحمد بعد الرضا

وبالشكر تدوم النعم
يارب تديمها علينا جميعا ً

نعمة الإسلام ونعمة الصحه والزوج الطيب الحنون والأهل الطيبين المساندين
الصديقات الوفيات المقربات وراحة البال السعااده

" وإن تعدوا نعمة الله لا تحصوها "

اللهم لك الحمد والشكر

ادعولي بالذريه الصالحة المعافاة عاجلاً غير آجل ..