كل مرة اسوي حفلة نجاح لأولادي .. يصير لنا هالشيء!!

السلام عليكم ورحمة الله وبركاته،،

استغرب تصرفات البعض .. وماني لاقيه لها تفسير !!:confused: :confused-
يعني انا متكلفة و محضرة حفلة من أ إلى ي ..
ومعروف أن مثل هالحفلات لها استعدادات خاصة وبالذات لما تكون في قاعة ..
ولأن بيتي ما يوسع فدائما اسويها بقاعة خارجية ..
وودي اكرم معازيمي ويكون الكل مبسوط وفرحان..:pinklove:


:rotaeye:



:laugh2:

وكل مرة أتفاجأ ..




:blink:








:unsure:




بالمتطفلين..


:icon32:



بعضهم يجي مع الأطفال المعزومين يكون قريب او أخ ..
وفيه ناس من ذوقها تكلم وتبلغ وتقول ان فلان حيكون اخوه او أخته معاه ...
بس من باب الذوق اني اتبلغ بحضورهم واستعد ..
لكن لما تيجي طفلة مثلا ومعاها 4 وأكثر من قرايبها وجيرانها وناس متعرفة عليهم وجايين يوسعون صدرهم ... صدقوني هذا اللي صاير من غير مبالغات ....
والمشكلة يزاحمون المعازيم الأصليين وياخذوا افضل اماكن و يتقاسموا الوجبات قبل الكل و يطالبوا بهدايا واحراجااات كثيييييييييرة انتي في غنى عنها بينما اللي ودك توجبين معاهم واصدقاء عيالي اللي معزومين من ادبهم لا أكلوا ولا تمتعوا بالحفلة مثلهم وممكن من خجلهم ينقص عليهم شيء وانتي مو دارية ويكونوا المتطفلين هم السبب!!!!
من جد شيء يقهر !!:08:


لأن االمتعارف عليه في مثل هالقاعات ...الأماكن محجوزة حسب عدد معين و الوجبات كمان وما ودك مثل هالتفاصيل تخرب عليكي..
ومع العلم اننا نحط في بالنا نسبة زياااااادة كل مرة ..
وطلبت وجبات زياااااااااده ولكن ....اختفت واطالع حولي الاقي اللي ياخذوها أطفال ما عزمتيهم ولا لك علاقة معاهم..

لكن اللي فعلا قهرني هالمرة زيادة... تصرف في نظري مووووووو طبيعي لأنه صدر من أم ..
الأم اللي تربي وتوجه و تنشيء جيل.. وهي اكبر قدوة في نظر عيالها والمحرك الأساسي في تصرفاتهم و تنشئتهم ...


دخلت القاعة بكل ثقة هي وولدها ... ووصلت لغاية البوفية وقطعت من الكيك صحن لها وصحن لولدها ..
ولما رحبت فيها واستفسرت عن اسم الولد قالت لي اسم عائلة معروفة .. وعصرت مخي اتذكر مين من اصدقاء عيالي .. فسألتها هو في اي مرحلة لأن طوله وشكله لا يمت لأعمار عيالي بتاتا ولا هو في سنهم .. فقالت لي لآء احنا ما نعرفهم ..
واخذت اللي فيه النصيب ومشيت .. الأم من لبسها ولبس ولدها ناس محترمة .. ما هي في حاجة علشان تتصرف بمثل هالتصرف الفضولي والغير مسؤول ..يعني لو سلمت علي والله لا اشيلها في عيوني وانحرج لو نقص شيء .. اما ادخل سيدا على البوفيه وآكل واطلع .. ومبتسمة ما شاء الله الله لا يضرها...


طبعا هذا غير اللي يجوا يلفوا في القاعة ويتمشوا ويتقهووا وهم مغطيين وأنا ما اعرفهم ...وما قدامي الا أني احييهم واسلم و اطلب لهم القهوة كمان .. ودي اشوف ايش آخرتها معاهم وما شاء الله بكل ثقة يتقهووا ويطلعوا من القاعة ولا كلمة ولاشكر ..!!!


هذي مو اول مرة تصير لي مثل هالمواقف لكن اشوف انها زااااادت ..
وهالمرة اتضايقت على اصدقاء عيالي اللي ما اكلوا وطلبت لهم كم مرة ويبلغني المطعم انه سلم الوجبات ... اتاري المتطفلين قاموا بالواجب ...

وحتى في الهدايا يعطوا نفسهم الأحقية بطلبها بكل ثقة وهم اطفال اكبرهم 11 سنة .. استغرب من وين جاءتهم مثل هالجرأة .. وفعلا اكون محرجة لأني لما اجاملهم يكون على حساب اصدقاء الحفلة الأصليين مو المتطفلين..



ياترى اشرايكم بمثل هالتصرفات و كيف تتصرفوا معاهم...؟؟؟؟؟


:confused: