بصراحه بكلامك هذا زعلتيني
أسمحيلي أقولك إنك خليتي الشيطان يتغلب عليك
تدرين لما كلمت الشيخ خالد الجبير وسألني كم صارلك تقرين قلتله 3 شهور (الكلام هذا قديم ) قعد يضحك علي يقول في ناس لهم 3 سنين وهم يقرون
مابعد الصبر إلا الفرج
وشلون تبين رزقك يجيك وانتي فتحتي لشيطان مجال في حياتك
كلنا مرت علينا أيام حسينا بهم وان ماوصلنا للي نبيه
بقولك شي والله ثم والله ماكنت بقوله لأني ما أبي أشتكي لأحد ولأني احس اني قدوه للبنات في الحمله واخاف كلامي يجيب لهم أحباط بس عشانك بكتبه
أنا صارلي أكثر من 5 شهور وانا أقرا سورة البقره
وقبل 4 أيام تحلمت بقطط كثيره تخرج من غرفتي وانا جالسه اناظرها وانا خايفه
وبعدها بيوم طلعت في شعري ثعلبه وسببها عين
وسألت الشيخ عن حلمي قالي هذا حسد وأرقي نفسك
حسيت وقتها أني رجعت لنقطة الصفر وقالي الشيطان يامسكينه كأنك ماسويتي شي
حزنت كثير حسد وثعلبه وشعر يتساقط وبكثره
صكت فيني الدنيا
وقلت خلاص وشلي بالدنيا معاد ابي وظيفه ولاااااااااااااا أبي زوج ولااااااااااا أبي أبناء بعيش لآخرتي
أأأأأأأأأأأأأأأأأأأأأأأأأأأبي الجنه وان ربي يغفر لي
جلست أبكي بحرررررررررررررررررررررررررقه
وأخاف أحد يشوفني
تعوذ من الشيطان ونمت وقعدت قبل صلاة الفجر
صليت قيام الليل وانتظرت الصلاة صليت وجلست أقرات أذكار الصباح وانفث على ماء وزيت وعلى نفسي
قريت بعدها رقيه شرعيه ونفثة على ماء وزيت وعلى نفسي
قريت سورة البقره ونفثت على ماء وزيت وعلى نفسي
وطول ما أنا أقرا حاطه إيدي على صدري واقرا حسيت بتنميل في جسمي ألم في راسي كملت وبعد مانتهيت شربت من الماء المقروء فيه بكثره والله أحس ان روحي بتطلع
واللحين اقول لنفسي هذا أبتلاء والحمدلله على كل حال ربي يبي يختبرنا
ليش مانثبت له ان راضين باللي يكتبه لنا وان عندنا يقين أن الفرج قريب
أتمنى ان اللي في خاطري وصلك ويكون دافع لك ترجعين وتقرين ولا تقطعين مهما كانت الظروف
الحمدلله غيرنا
مريض بالسرطان
مريض بفشل كلوي
مريض بالإيدز
مريض بالشلل
فقير مو لاقي اللي ياكله
وغيرنا بنات يتسكعون في وحل الرذيله
غيرنا متزوجات زوجها راعي مخدرات ويسكر ويقعدها بضرب وتنام مضروبه
غيرنا أرمله وعندها 7 عيال وماعندها اللي يعيلهم وكسر ظهرها الديون
وغيرنا وغيرنا وغيرنا
الحمدلله على كل حال حنا أحسن من غيرنا
اللهم لك الحمد كما ينبغي لجلال وجهك وعظيم سلطانك
حملة قراءة سورة البقره كل يوم
متابعة النقاش، صفحة 153