اخواتي
انا قبل شهر ونص تقريبا اخدت من خامس يوم الدوره كلوميد حبتين باليوم
و11 و12 و13 من الدوره اخدت دوا اسمه بريمارين وهو هومون الاستروجين
لكن الحمد لله اجت الدوره بوقتها
لكن اجت 3 ايام اول يوم وتاني يوم فقط افرازات بنيه وتالت يوم دم خفيف
وبعد الدوره باليوم 10 من الدوره رحت اعملت صوره داخليه حكالي الدكتور صار عندك كيس حجمه 5سم شكله تكون لانو الدوره ما نزلت كويس راح نستنى لدوره الي جاي اذا ما اجت راح اعطيكي دوا مانع حمل والتبويض مش باين هاد الشهر شكله من الكيس
رغم اني بعده بخمس ايام حسيت باعراض التبويض
المهم حبايبي
باليوم 19 من الدوره يعني اواخر ايام التبويض مفروض عندي اخر ايام التبويض وصار جماع
بعد الجماع مباشره نزلت مني افرازات كتيره بنيه غامقه جدا
وتاني يوم كمان افرازات بنيه مع دم
واليوم اصحيت نازل مني دم كتير كانه نزيف مع قطع دم شوده ووجع ضهر شديد
الظاهر انها الدوره قدمت 10 ايام واول مره يصير معي هيك دايما دورتي كل 28 يوم ومزبوطه بالساعه كمان
ما بعرف شو صار معي
الله يخليكم في حد صار معه هيك
ربي يرزقكم جميعا
الموضوع مغلق