شاركي في النقاش

سجلي الدخول لإضافة تعليق.

التعليقات

69
  1. @gogolana

    حابه اشارك معاكم واقول لكم برنامجي مع اطفالي اولا انا بنتي عمرها سنه ونص وابني عمره تسع سنوات في الصف الثالث اول شي راح اسويه معاهم برناج تعديل سلوك والفكره عباره عن تجميع نقاط طبعا هذي لابني الكبير يعني علبه فيها كور بيضاء وخضراء صغيره وعلبه فاضيه كل عمل يقوم فيه ولدي صحيح زي ترتيب العابه او يسمع كلامي بسرعه او يلعب مع اخته الصغيره يحصل على كره بيضاء توضع في علبه الفاضيه هذي عباره عن نقطه وحده والكره الخضراء عباره عن تجميع ثلاث نقاط وهي للمحافظه على اوقات الصلاه يعني اذا صلى الصلاه في وقتها ياخذ كره خضراء يعني جمع ثلاث نقاط وهكذا وذا عمل عمل سئ تخصم من نقاطه وفي نهايه الاسبوع اذا جمع عدد معين من النقاط له هديه اما لعبه او طلعه للملاهي ثانيا انا طبعت اربع اوراق مكتوب على كل وحده زاويه الشقاوه الثانيه زاويه العصبيه وبعد زاويه العناد زاويه الافاظ السيئه تعرفون يتعلمون من المدرسه واخيرا زاويه الازعاج وحطيت هالاوراق بعد التغليف على الارض وكل تصرف من هالتصرفات يتعاقب كل واحد منهم بالجلوس مده حسب عمره يعني ولدي يقعد تسع دقايق وبنتي دقيقه وبعد انتهاء المده يعتذرون عن تصرفهم السئ .والحين البرنامج اللي راح اسويه لولدي عباره عن حفظ القران راح اخليه يحفظ السور اللي راح ياخذها في الصف الرابع وثانيا تعليم الانجليزي من النت. وبعد تعليم الكتابه وذلك عن طريق اعطائه قطعه من مجله او قصه يكتبها في الكمبيوتر واحسب له الوقت علشان يتعلم الكتابه السريعه .وبعد الا شغال اليدويه مثل الرسم التلوين والصلصال وغيره .وبعدوقت للسينما يعني اجهز لهم فيلم واجهز الفشار والكيك اسويلهم جو السينما .وبعد الرياضه لها حصه معانا في البرنامج .واذ في فكره جديده راح اكتبها لكم اتمنى اني ماطولت عليكم واتمنى انكم استفدتو من برنامجي واطلب طلب من الاستاذه مزايا انسانه تفتح لنا ملف نسميه يوميات صيفيه وكل وحده تكتب طبيقها للبرنامج بشكل يومي يعني اي سوره حفظوا اطفالها وكيف تفاعلهم وايش سوت من الاعمال اليدويه علشاان الكل يستفيد من الفكره واسم الفيلم الي شافته مع اطفالها وهكذا وفي النهايه تقبلوا مروري وفكرتي واتمنى الاقي ولو رد واحد للتشجيع للعلم هاذي اول مشاركه لي في حياتي وشكرا مقدما
  2. صاحبة الموضوع
    سلاااام
    شلونكم حبوبات والله ماتوقعت احصل منكم كل هذا التفاعل واسمحو لي على تاخري بالرد لان انشغلت كثير كنت احضر للنشاط الصيفي هذا ولاول مره اشوف نفسي متحمسه على شغله
    وبصراحه كنت احس بتانيب ضمير قوي لان مااتذكر اخر مره لعبت فيها مع عيالي اوجلست معهم جلسه خاصه فيهم
    وشكرا لكل الي دخلو موضوعي وردو وشجعوني وشجعو باقي الاخوات
    ماابي اطول عليكم وراح ابدء معكم شنو سويت وياليت اشوف تعليقاتكم وردودكم وشنو سويتو انتو
    بالبدايه رحت الاسبوع الي راح وجهزت للنشاط تقولون مهرجان ههههههههههههه بس والله من الوناسه
    رحت للمكتبه اشتريت مجموعه قصص الانبياء ومجموعه قصص اسلاميه يعني قصه وعبره منها واخذت كتاب قصص للصالحين
    وكذلك اشتريت كتاب جدا رائع اذكار وادعيه قصيره ومبسطه للاطفال الصغار يكون بخط كبير وواضح ورسومات توضح المعاني
    واخذت كتاب تفسير جزء عمه خاص بلاطفال جدا رائع يفسرها بشكل مبسطوبالصور للاطفال وبخط جدا واضح وكبير وبلاللوان الجذابه بنتي جدا حبيتهم
    واخذت مجموعه كبيره من قصص تولين هذي القصه احسها حلوة خصوصا الي تخص تولين ام صغيره تولين مربيه >>تبي تستفيد هههههههههه
    وبعدين رحت لدنيا صغيره للناس الي بالدمام واشتريت شغلات كثيره للاشغال اليدويه من صمغ ومقصات واوراق مقوى وفوووم وخيوط وكل الشغلات الي تخص الاعمال اليدويه الي عندي
    طبعا برنامجي قسمته الى اقسام
    اولا:
    تعليمي :
    خليته بالبدايه راح تتعلم فيه قران او انجليزي او قرائه او املاء او رياضيات اودرس ديني طبعا على حسب الجدول كل يوم شي
    ترفيهي :
    راح يكون لعبه بالبزل او المكعبات او الصلصال او سباحه معهم بالمسبح اوعمل مسابقات او نسوي وجبه بالمطبخ مع بعض
    اعمال يدويه فنيه:
    وهذا خليت له قسم لحاله لان بنتي تعشق هذي الاشياء
    راح يكون رسم واشتريت فرش واوراق خاصه للرسم والواح رسم والوان مائيه
    اشتريت من سبلاش جهاز صانع الاستيكرات بحيث ترسم على الاستيكرات
    ولعبه الرسم على الزجاج
    واشتريت صلصال روعه بس مااعرف شنو اسمه هذا تشكله وبعد مايتعرض للهوا ييبس والنوع الي اخذته تسوي منه اكسسوارات ومعه شغلاته
    وبعدين اخر شي بما ان برنامجي مقسم نص ساعه لكل شي راح يكون للقصه وانا قلت لكم بخلي القصه بالنهار لان عيالي ينامون بالليل قبل لاارجع للبيت
    اتمنى يكون برنامجي واضح واي سؤال تحت امركم
    بس في شي مزعجني احس هذا البرنامج جدا مناسب مع بنتي وباعتبار اليوماول يوم بنتي كانت طايره من الفرحه كل شوي تجي وتحضني وتقولي ماما احبك والله هذي الفرحه تسوى الدنيا ومافيها ومن زمان ماحسيتها بعيونها لكن ولدي الصغير احس ظايع ماله شي يناسبه اويسليه لان عمره سنتين و8 شهور والى الان كلامه ثقيل وتواصله معنه قليل فموقادر يندمج معنه مسيكين حبيبي
  3. صاحبة الموضوع
    هذي روابط لاعمال يدويه اتمنى الكل يستفيد منها
    وياريت ماتكون ممنوع وضعها هنا لان انا حطيت استفسار بخصوصها ومحد جاوبني والظاهر انها عادي
    لان عجبتني وحسيت انها مفيده وراح تفيد كثير بنات واسمحو لي على التقصير
    http://www.lakii.com/modules.php?name=eBooks
    وهذا رابط فيه طبخات حلوة ممكن نستفيد منها مع عيالنه
    http://www.lakii.com/cookportal/index.php?doWhat=showcat&catid=8
    http://www.lakii.com/cookportal/index.php?doWhat=showcat&catid=14
    وهذا لعمل كيكيات جدا رائعه لوعملتيها مع اطفالك
    http://www.lakii.com/cookportal/modules.php?name=Decor
    اتمنى ماتنحذف الروابط لانها جدا مفيده وراح يستفيد منها كثير بنات مثل مااستفدت منها انا وحددت افكاري لهذا النشاط
    وراح ارجع لكم ****لله بكره واخبركم شنو سويت بالضبط مع عيالي
  4. صاحبة الموضوع
    حياك الله اختي ام جمون ومرمور
    و****لله يستفيد الجميع معنه يارب ونرسم الفرحه على وجوه اولادنه ونقرب اولادنه منه

تابعي تجارب أخرى من هذا القسم.