شاركي في النقاش

سجلي الدخول لإضافة تعليق.

التعليقات

69
  1. @gogolana

    مبروك التجيهزات اختي اقصى المدينه وانا ان شاء الله راح اجهز هالاسبوع لان ابني لسه ماخلص الدراسه وبالنسبه لابنك الله يحفظه مثل مشكلت بنتي عمرها سنه ونص وعندها صعوبه في النطق
    بس شريت لهل مكعبات نلعب مع بعض وشريت لها كتيبات صغيره فيها صور مثل بطه كره سياره اردد معاها علشان تتعلم وشريت لها لعبه المكعبات المجوفه يعني المربع تحطه في خانه المربع والمثلث تحطه في خانه المثلث وكذا وهي مره مبسوطه .طبعا العب معاها لما يكون اخوها قاعد يكتب مثلا على الكمبيوتر اذا قرات ردي راح تعرفي برنامجي لولدي طبعا لما يجي وقت الرياضه نتشارك كلنا مع بعض علشان الاولاد يحبون اللعب مع بعض بدون مايتهاوشون ويتعودون على كذا يعني في ذا الوقت نختار مثلنا مين يوصل قبل للجدار يعني نركض مع بعض او اتخبى وهم مع بعض يدورون علي ومن هاالعاب اللي تسلي الاطفال واذا في فكره حق اطفالنا الاصغار راح اكتبها على طول .الى الملتقى
  2. السلام عليكم ورحمة الله وبركاته

    الله يعطيك العافيه

    الصيفيه طويله وبتخلص الانشطه ماخلصت الصيفيه:time:

    انا عندي بنتين صغار 6سنوات والثانيه 3سنوات

    الحمدلله بنتي تشغل وقت فراغها مع اختها لعب الام وبنتها

    وتاخذ اختها معها للكمبيوتر وتجلس معها تشغل قران والعاب بنات تلبيس ومكياج

    واذاطلعو للحوش عندهم مرجيحه ومسبح وسياكل طبعا تحت متابعتي لهم وانتباهي

    وقدام التلفزيون يقضون الباقي في متابعة قناة المجد وافلام كرتون

    اما القصص انوم وهم مابعد ناموا:27:

    وايام اطلعهم معي للسوق واحطهم بالملاهي مع ابوهم:arb: ولعب ووناسه

    اما الرسم ماعندها ذيك الموهبه بس تحب تكتب انجليزي من اي شي قدامها تقلده

    وتكتبه طبعا وقتي في الغالب للبيت لان ماعندي اصلا شغاله:angry:

    وعندي غير هالبنتين اولاد بس كبار ويلهون بالصيفيه بالمراكز الصيفيه يعني شايلين همهم
  3. صاحبة الموضوع
    سلام
    ام جوجو هلا حبيبتي
    تصدقين عندي هذي الالعاب والكتيبات الي تكلمتي عنهم كنت شاريتهم لبنتي من كانت صغيره بس ماطلعتهم لولدي لان ماشالله عليه مافي شي يطيح بيده ويطلع عدل الامايخربه وحاولت كثير معه وتعبت بلاخير تركته لان هوايته بس يستكشف الاشياء واستكشاف عميق مواي استكشاف مادري يمكن البنات بطبيعتهم يختلفون عن الاولاد بنتي اشتريت لها الكتيبات بعمر 9 شهور وماشالله عليها قبل سنه حفظتهم كلهم اما ولدي اقوله شوف بطه عصفور وهو مشغول يفكر شلون يمزع القصه او يشخبط عليها هههههههههههههههههه
    بس راح احاول اشمل ولدي معنه باللعب بقد مااقدر لان حرام امس حسيته مقهور وزعلان كان لان يبي يمسك المقص ويبي يستخدم الصمغ مثلنه
    انا بديت اول يومي معهم طبعا حسيته كان بالدرجه الاولى لبنتي اكر وولدي كان مقهور شوي
    راح اقولكم خطتي لاول يوم شلون كانت
    بدينه من بعد صلاه الظهر على 12 لمدة ساعتين
    اول نص ساعه كانت قران كريم بما انها اول مره كانت مراجعه للسور الي اخذتهم بالمدرسه وكل صوره حافظتها اشرت لها بورقه عليها والي موحافظتها كتبت اسمها حتى ترجع وتحفظها زين
    النص الساعه الثانيه
    كانت عمل يدوي سوينه دائره بشكل شمس ورسمنه على ورق مقوي ايديننها الحلوات وقصصناها وثبتناها على الدائره يعني اشعه الشمس وخليتها تزين وجه الشمس بالعيون والفم والانف وجدا انبسطت وعجبها كثير وعلقتها بغرفتها ****لله اصوره لكم واوريكم الشكل
    النص ساعه الثانيه
    دخلت معي للمطبخ سوينه حلى الشتلات بسيط وسهل وهي كانت فرحانه فيه لابعد حد لدرجه شالت منه لبيت جدها وبيت عمامها وبيت اهلي حتى الشغاله بيت اهلي شالت لها واحد وخلت ابوها يدور فيها على بيت بيت وهي توزع عليهم>>ياحبني لها
    النص ساعه الاخيره
    هذي مخصصه للقصه
    كانت قصه نبي الله يوسف عليه السلام وبنتي تفاعلت مع القصه بشكل كبير جدا وبعد ماخلصت قالت لي ماما انا ****لله ماراح اخاف من اكون لحالي لان عرفت ان الله مثل ماحمى نبي الله يوسف قادر انه يحميني من كل شر
    وراح ارجع لكم واكمل معكم شنو صار وياي واتمنى اشوف تفاعل منكم وكل وحده سوت شي مه عيالها تكتبه لنه حتى نستفيد
  4. من اقصى المدينه
    هذي روابط لاعمال يدويه اتمنى الكل يستفيد منها وياريت ماتكون ممنوع وضعها هنا لان انا حطيت استفسار بخصوصها ومحد جاوبني والظاهر انها عادي لان عجبتني وحسيت انها مفيده وراح تفيد كثير بنات واسمحو لي على التقصير http://www.lakii.com/modules.ph…
    يعطيك العافيه الموقع رائع وبفيدنا ان شاء الله

تابعي تجارب أخرى من هذا القسم.