شاركي في النقاش

سجلي الدخول لإضافة تعليق.

التعليقات

75
  1. أنا أختي تزوجت قبل أختي الكبيرة ( الفرق بينهم سنتين ) وكان بس أبوي موافق وأمي لا
    وبعد العقد أمي راوتها النجوم بعز الظهر ما خلتها تفرح بخطوبة ولا شي حتى بعد ماتزوجت،، والحمد لله خواتي ألحين متزوجين وأنا بعد وأمي للحين مو براضية تنسى ،، أحيانا ينكسر خاطري على أختي إذا فكرت فيها وأقول في بالي يمكن إستعجلت ،،حتى مرة وإحنا بالكليه أختي الصغيرة قالت لي أحس إن أمي ودها تقتلني بس أنا هديتها وطمنتها وأنا من داخل قلبي يتقطع عليها وعلى حال أمي وأختي الكبيرة لأن أمي ما سوت كذا الا من زود ما تحاتي أختي الكبيرة وخايفة عليها ،، الحمد لله كل شي قسمة ونصيب
    بس نصيحة بنات إذا انخطبتون قبل خواتكم لا توافقون الا اذا كان الكل موافق أكيد ،،،مو بعدين تشوفون اللي شافته أختي والله لليوم قلبي يعورني عليها وعلى أختي الكبيرة بعد مع انهم تزوجوا الله يسعدهم ويفرج لـهم يارب آمين
  2. @almfrfsh

    :mad: أختي الام الروحية .......................... أنا أكبر من أختي بسنتين وهي تزوجت قبلي وعلمتني هذه التجربة إني احمد الله ألف مرة لان أختي زوجها صعب التعامل وشديد لذلك فانا الحمدالله إنسانه حساسه ودمعتي طارفة فكان لي خير في ذلك
  3. اختي اللي اصغر مني تزوجت قبل سنتين وانا لحين ما جا نصيبي

    وانا مثلك فرحت لها وااايد واتمنى انها تكون سعيدة ومرتاحه ومافي اخت ماتحب اختها

    لكن انتي قلتيها كنت احاتي نظرات الناس وكلامهم .. وكثير أثر فيني هالشي بالبدايه خاص ان خطوبتها كانت سنتين فكنت اتمنى ان نصيبي يجي فيهم بس ماصار..

    يوم العرس كنت متبلدة المشاعر مادري كيف نزلت علي سكينه من الله


    وبعد ما مر سنتين بعد عرسها صرت عادي وما اهتم بكلام احد .. صحيح ان زواج الصغيرة يحسسك بأنك صرت كبيرة في نظر الناس


    لكن انتي تذكري بأن فيه كثير أكبر منك وللحين ماتزوجوا .. وكل وحده بيجيها نصيبها في وقته بغض النظر عن الأخوات
    وعيشي حياتك كأن مابها احد .. انتي وبس


    :04:
  4. @almsroaa

    سبحان الله.. قصتك تشبه قصتي.. اختي تزوجت قبل سنة.. كان عمرها 17 وانا عمري 19

    بالنسبة لي بالبداية كنت متضايقة لاني ماابي افقد اختي الوحيدة.. بس بعدين صار الوضع طبيعي.. وصرت احب اختي واخاف عليها اكثر من أول

    وما عليك من الناس,, ترى همهم الكلام وبس سواء اختك تزوجت او لا

    ألف مبروك مقدما وعقبالك :)
  5. أنا اختي اللي أصغر مني تزوجت قبلي
    مازعلت أبدا لأني ما تزوجت أول
    بس كنت مثلك أفكر كيف بيكون شكلي قدام الناس وشو التعليقات اللي بسمعها
    لأننا مثلك في مجتمع قبلي
    بس أحس إني كنت مكبرة الموضوع في بالي
    لأني يوم الحفلة كنت عادي أضحك وأسولف بس أنا بطبعي جادة شوي
    فكنت أرد على الضيوف كأني في حفلة رسمية راقية ههههههه
    فلفتت الأنظار
    والتعليقات لابد منها
    لازم بتسمعين قومي ارقصي عشان يشوفونك الناس ويمكن يصير نصيب ههههههههه
    أو عقبالك بطريقة مختلفة شوي :)
    أو إن شاء الله الله بيعوضك قريب ومن هالكلام
    أنا أشوف تجهزين في بالك ردود لبقة ومرحة تناسب أجواء العرس
    وتساعدين أختك وتوقفين جنبها بشكل طبيعي
    ورغم إني ما أحب فكرة ان الوحدة تظهر في العرس عشان يجيها النصيب
    بس ترى هذي أفكار الحريم
    وأنا بنفسي سمعتهم يسألون عني وعن اختي الثانية كأنهم ما قد شافونا قبل
    طيب ما نحنا موجودات قبل ما شفتونا إلا يوم العرس؟؟
    كوني طبيعية ولبقة وواثقة من نفسك
    وادعي الله يسخر لك الزوج الصالح وييسر لك أمرك

    تحياتي

تابعي تجارب أخرى من هذا القسم.