شي غريب صار معاي معقول انا مسحورة؟

--------------------------------------------------------------------------------

السلام عليكم
خواتي ارجوكم ساعدوني بمشكلتي لاني موب عارفه شلون اتصرف...
البارحة كنت قاعدة ارتب خزانة ثيابي و عندي خزانة فيها رفوف عاالية و ما تنوصل الا بسلم ...عشان جي يبت الخدامه تساعدني و قلت لها شلي كل الاغراض من فوق عشان ننضف الرفوف ...المهم لقيت شي غريب بين ثيابي...لقيت كيس مربوط و بداخله فلفل حار و الفلفل شكله محروق لانه لونه اسود ...او يمكن انه مقلي او محمص مدري...
و كان الكيس فيه 9 حبات من الفلفل و بعضه متكسر و مقسم و شكله غريب
المهم وايد استغربت لانه اصلا انا عمري ما يبت الفلفل الحار على بيتنا و ثانيآ حتى لو يبته مو معقوله احطه في خزانه الملابس...
المهم سألت الخدامه قلت لها شنو هذا قالت لي يمكن سحر سوته لكم الخدامه القديمه لانها كانت دايما تييب قطنه و تمسح فيها كل جسمها و بعدين تعصرها في الشاي الي نشربه
بصراحه ما صدقتها بس هم بعد استغربت من الموضوع
و خايفة اكون مسحورة لاني من فترة تعبانة و عندي وساوس و احيانا اتخيل اشياء مو صحيحة يعني مثلا مرة كنت في المول و شفت مرة ماشية بس كانت مقسومة من النص بمعنى انها نص انسان
و خفت وايد و صرت اركض في المول مثل المجنونة و التفت عليها و كل ما اشوفها اشوفها بنفس الشكل نص انسان .,,
مدري يعني هل انا مسحورة وهل الشي الي لقيته دليل سحر أو لا ؟
و للعلم الخدامتين فلبينيات و سفرت وحده منهم لانها كانت تييب رجال على البيت و سوالف ثانيه كثيره
و كانت قبل لا تسافر تقول لي انه الخدامه الثانيه تسويلي سحر و انا ما صدقتها
و الحين انا وايد خايفه على نفسي و بيتي شسوي مو عارفه اتصرف

22 تعليق 1,997 مشاهدة

شاركي في النقاش

سجلي الدخول لإضافة تعليق.

التعليقات

22
  1. @sbakh_1

    سلامتك
    من العوارض اللي فيك
    والوصف فهذا سحر ميه بالميه
    وديه رجال الهيئه يفكونه لك
    انتبهي لاترمينه
  2. @shaad_1

    صاحبة الموضوع
    شكرا طايره على سعفه على الرد
    بس انا في دبي ما عندنا رجال هيئة
  3. اختي تعالي للسعودية وروحي للشيخ المقبل يفكه

    احذري احذري حرقه لانه قد يكون زيادة قوة له

    تابعي برنامج اسمه دمعة موحد يوم الاحد تقريبا 9الساعه بتوقينت السعودية على قناة المجد وارسلي للشيخ اسألية
  4. @shaad_1

    صاحبة الموضوع
    خواتي شكرآ الكم بس انا ما اقدر اجي السعودية الحين
    راح اتابع البرنامج بس مدري يعني الحين اخليه في البيت عادي على بين ما الاقي شيخ يفكه؟

تابعي تجارب أخرى من هذا القسم.