اكلات نجد وماحولها......

أنا نجديه بس وش تبون بالضبط زي ايش

يعطيك العافية

الجريش بالدجاج

لمقدار عائله او عزيمه متوسطه الضيوف....
3 كاسات جريش
1ونص رز مصري
نص دجاجه مسلوقه لوحدهاا ومخليه العظم ومنتفه بالشوكه<<ضروري يجب الاحتفاض بماء السلق

ماجي ابيض(جيني موتو)
ملح
ملح ليمون..
رشه كمون مطحون
كاس حليب
3 كاسات لبن
بصله كبير مقطعه صغااار
ملعقتين كبار سمن

اول شئ انا بكتب طريقتي اللي معتمدتهاا..مااحمس البصل
ويمكن تكون مختلفه عن البعض بس وربي شاهد علي جريشي خطيررررر

تغسلين الجريش مرررة كويس هو والرز المصري مع بعض وتنقعينهم وقت طويل اذا يسمح وقتك او ممكن نص ساعه

نضع الجريش بالقدر هو والرز..ونحط فوقهم البصل وملعتين السمنه وقليل من الملح والماجي الابيض والكمون..ونضع فوقهم ماء سلق الدجاج...ونزيد ماء عليهم...الى يتغطى الجريش بمقدار اصبعين ثلاث اصابع تقريباا... ونخليهم على نار متوسطه الى ان يبدا بالغلياان..
ونقصر عليه ..ونحط عليهم مقدار الحليب واللبن والدجاج...ونحركه ونقصدرة ونحطه بالفرن..ونقصر عليه وبعد تقريبا ساعتين ...نطلعه ونحركه بمسواط او ملعقه خشب..ونبدأ نذوق ونعااير الملح والماجي وملح الليمون...ونضيف ايضااا ملعقه سمن كبيرة ويفضل يكون سمن حيواني...ونرجعه مرة ثانيه للفرن ونخليه تحت نار صغيرررة ...ونحط فوقهم فلفل احمر عدل صغاااار

ونتركه ساعه او ساعه ونص تقريباااا...وبعدهااا ينساااااط وينغرف...

مقادير الكشنه اللي فوق الجريش..
بصلتين كبار مقطعه طوال..شرايح
شوي زيت وسمن
وملح
وليمون اسود مطحون
وبهارات مشكله
وفلفل اسود
وكركم
وشششششششششووي مرة شوي هيل
وفلفل احمر بودرة
وصلصه
ومنقووع تمر هندي تقريبا كاس من المنقوع..
ولاننسى الملح

ونحليها تطبخ وتتسبك...الى ينفصل الزيت عن الصلصه...


وتنحط على الجريش فوووق وقت التقديم...ويرش بليمون اسود بودرة ووممكن فلفل احمر بودرة...





ملاحظه :
ابي فزعه بنات حااايل تكفوون ابي بهارات حايليه وفلفل احمر صرار حايلي واي نوع من البهارات الحايليه...

تكفوون تكفووون تكفووون...تعبت وانا اسأل...


ولاتنسوني من دعوااتكم