شاركي في النقاش

سجلي الدخول لإضافة تعليق.

التعليقات

1,581

  1. @h_hms_aoy

    الله يسعدكم يابنات والله صرت استحي اشتكي لزوجي احس اني مصختها بس منسدحه واتشكى

    الحين صرتو خواتي وهمومنا وحده واخذ راحتي بالشكاوي

    استغفر الله احس الحمل هذا طويل وممل متى تجي الاجازه ونروح للاهل ااااااه يالرياض اشتقت لحرها وغبارها

  2. @akhlmnd

    أهلا يا حوام ل
    أنا اخلمند رجعت لكم


    بس باقي لي أسبوع إختبارات


    وارجع يومي
    معاكم

    شخباركم شخبار الحمل وياكم


    قبل يوم بنتي طبت على بطني بقوة وحسيت بألم فضيع
    بس ألحين ساعه أحس فيه وساعه لا


    وش رايكم

    البيبي مازال يتحرك
    الحمد لله

    وسلا متكم



    اما بالنسبة للإفرازات إذا ما فيها حكة ولا ريحة ولا لون قوي فهي عادية

  3. @amyn_2

    أمــــل مجــــروح
    و الله اقتنعت بالولادة في سعد و بأشوف كيف المتابعه معاهم يمكن أتابع الشهرين الأخيرة لأني طالعة إجازة و مو راجعه الا الثامن و بالنسبة للمحاضرات حقتهم كيف طريقتها ؟؟ و متى تكون ؟؟ و بالنسبة للتشوهات أول مرة أدري إنها تبين بالأشعه تدرين من…
    بالنسبة للمحاضرات يسووها في صالة الانتظار الكبيرة اللي في قسم النساء و الولادة ... و هي دورات يعني تبتدي و بعدين تنتهي و بعدين يعيدونها مرة ثانية في فترة ثانية ... أظن السبت الصباح و الاثنين العصر بس ماني متأكدة لأني مو ناوية أروح الحمدلله خبرة مثل ما قلتي ..


    التشوهات الجهاز الخاص باشعة الجنين يكشفها لأنه مطور و مو موجود بكل المستشفيات , و حتى ممكن تعدين اصابع اليدين و الرجلين و تشوفين القلب و كل شي ... أنا من نهاية الثالث طمنتني ان الطفل سليم ماشاءالله و قالت لي انه ولد ...

    بالنسبة للشغالات والله ما أعرف ما أتعامل معاهم , لكن فيه في قسم ساعدوني أعتقد تجمع لبنات الشرقية و فيه ارقام مكاتب ...

    ولادتي المفروض 1 ديسمبر ... بس عادة أنا آخذ 4 ايام من العاشر

    انتي انتظري علامة من علامات الولادة وبعدين روحي ... و دكتورتك بتتكلم معك عن الموضوع اذا قرب موعد ولادتك و بتعلمك كل شي لا تخافي ... و الله يتمم حملك بالسلامة ... و اي سؤال حبيبتي لا تترددي كلنا هنا حاضرين و نفيد بعض ...