علي الاستخارة و منكم الاستشاره؟؟؟

الوعي والثقافة غير مرتبطة ابدا بالمستوى التعليمي
والشواهد على ذلك كثيرة
وبالنسبة لزواجه السابق عادي جدا خصوصا إن ماعنده أطفال


واستخيري وبالتوفيق

امممم كلميه وتناقشي معه وشوفي منطقه وتفكيره
اذا انتي بهالمستوى التعليمي و الوعي والثقافه اكيد بيئتك ومجتمعك سبب رئيسي فيها.... وبيسمح لك انك تتفاهمين معه قبل اي ارتباط مافيها شي اذا النيه موجوده وبعلم الاهل
قبل لاتندمي او تتورطين

استخيري والله يوفقك

شوفي عزيزتي .. اهم شئ استخااااااااارتك والله يااختي اسأليني تقدم لي واحد كلمة وسيييييييم قليله فيه فيه جمال مو طبيعي وانا على طول وافقت وقعدت استخير يوم يومين حلمت بحلم شين فيه قسم بالله جتني ضيقه منه بشكل ماتتصوريه على طول رفضته واهلي استغربوا كيف توافق بعدين ترفض وسبحان الله مرت السنين واسمع عنه من ولد عمي طلع يعرفه انه انسان حياته مع اهله كلها مشاكل وابوه كذا مره طرده من البيت وامووور كثيره الله يستر علينا وعليه...

اللي ابي اوصله لك انك تكثرين من الأستخاره هذا اول شئ ثاني شئ اسألوا عنه حتى لو انه قريبكم مدحه لكم لابد تسألون ثالث شئ اذا حصلت الملكه فأنتي عندك فرصه تتعرفين عليه وتتعرفين على تفكيره واخلاقه وثقافته ومبادئه والله اذا ناسبك خلاص الله يوفقك اذا ماناسبك فوالله عندك فرصه الحمدلله باقي بنت.. اضيفي لذلك فيه نوع من البدو ينحط على الجرح يبرى من كرمه واخلاقه وشهامته فمو كل البدو سوى.. وان كان عن ستايله فياحبيبتي الشعر الطويل الشباب ماخذينها موضه والسبحه على يد كل واحد فلاتحكمين عليه بمظهره الخارجي... هذا اللي اقدر اقوله لك لأن حرام نقول انه مايناسبك ونقطع نصيبك ويطلع رجال مافي احسن منه وحرام نقولك وافقي ويكون عكس ذلك.. لأن الأوصاف اللي ذكرتيها غير كافيه انك تحكمين عليه لابد انك تاخذين وتعطين معاه تتعرفين عليه وهكذا.. او اسألي قريبكم كيف الرجال وكيف كلامه هل هو متفتح ولا لا... وكيف نظرته للمرأه ... وعسى الله يوفقك

الحكم هو النظرة الشرعية

اجلسي معه وتكلمي وشوفي وش بيكون انطباعك واحساسك وميلك

و استخيري وربي يختار لك الصالح