اخوي وعناده - وامي والعايله !! لاعدمتكم ابا شوركم



السلام عليكم ورحمة الله وبركاته
اشحالكم بنات

بنات بقولكم السالفه
انا الحمدلله من عايله جداً ملتزمه
ومعروفه بألتزامها وغيره
ناس لها وزن في الدوله

واخوي من تخرج من الثانويه العامه الى ان تخرج من الكليه وتوظف والى الحين مكمله سنه من بعد توظيفه
وهو مايرجع البيت الأ في الفجر او انصاف ليالي
غير طريقة لبسه الي مالها معنى بناطلين وغيره والى ماخره

هو انسان طيب لكن السهر والبس شي لايطاق في عايلتنا

وامي ابوي مش راضين ابداً على هالتصرفات وكل يوم وثاني مشاكل على جيته البيت
كملنا فوق 4 سنين
ابوي كم يقوله ماشي فايده وانا ابويه انسان طيب بشكل جداً كبير ومتفاهم
وجد تفاهم وياه لكن ماشي فايده وتضارب معاه بعد ماشي فايده

يجلس يومين في البيت وكله نايم وماله خلق حق حد
تحسينه مدمن طلعات ان جلس في البيت يمل ويكره حياته


وامي هي اكثر الناس الي تتأثر بطلعاته لانه مب راضيه دبل ابوي
والحين ابوي مسافر لفتره للصيف مع خالي

ونفس الحركات الأخ مايرجع ولايشرف الأ 4 او 5 الفجر

والمصيبه لوتحسبون الساعات الي هو في البيت ماتلقون الأ للنوم
البيت فندق مستوي له 20 ساعه برع و4 للنوم في البيت بس !!!

ونحن من عايله جداً محترمه ولو انه مايسوي شي غير لبسه والسهر
يعني ماعنده مغازل يعاكس او غيره مستحيل ولا يدخن ولاشي من هذا القبيل
لكن افكاره أوربيه امريكيه

العيب في السهر ولبس واحيانا لبس نمشي بس السهر مايتعدى

بس هاشي يأثر علينا لأنا اكثر اقربائنا شخصيات في دوله
منهم وزير ومدراء !!
والله يهديه اخوي بكره يأشرون يقولون فلان يصير كذا ل هذا !!

فضحناا مع السهر


وامي الحين مقرره انه تطلعه من البيت
ياخذ لبسه ويسير يأجر له شقه ولافندق ولايجلس في البيت ويسوي فندق

وعشان اخواني الباقين الأصغر منه باجر مايسون مثله
خاصتن عندي اخوي مابقى شي وبياخذ ليسن وبيتخرج
اذا اخوي الكبير ما تأدب باجر الثاني بيقلده !!

مع ان الثاني احس في قلبه حنيه يحبنا
اما هذاك بلا احساس
يطلع ويدخل وشاري ربعه ماتقولون ربعه تقولون اهله واحسن من اهله
ذاابح نفسه عشانهم

كل الطرق جربناها النصيحه من كل الجهات جت له
خواله - اولاد عمه - ابوه
مافي حد لكن العناد الي في راسه محد قادر عليه


ولاتنسون السهر الي يسهره يأثر على البيت من كل النواحي
سواء ان اخوانه بيتعلمون
وثانياً الأمن
الواحد يخاف طول ليل باب البيت مفتوح
والله ان السواق غرفة برع البيت وهو رجال يقول اخاف
والشغاله غرفتها برع بعد تخاف
\ف مابالكم نحن في البيت بنات واللخ
ينخاف من الوضع
وخصوصاً اكثر من مره في حرامي تهجم على بيت الجيران
الواحد يخاف على نفسه والبيت فيه بناته

هو لا يسمع كلام امه ولاغيره
مااشي على عناده
مع ان تهزأ مليون مره
يايقفل باب وجهه يتم برع ومايدخل او يلقى صراخ
لكن الأنسان هذا مامنه فايده
عنيد ومايهمه غير نفسه


شو الحل في رايكم هل في طلعته خير !!
وشو الحل معااه

15 تعليق 1,333 مشاهدة

شاركي في النقاش

سجلي الدخول لإضافة تعليق.

التعليقات

15
  1. @am_ariam

    الله يكون في عونكم اكثروا من ادعاء له وخاصه في الثلث الاخير من الليل وخروجه من البيت مو حل الله يهديه
  2. صاحبة الموضوع
    AM ARIAM
    الله يكون في عونكم اكثروا من ادعاء له وخاصه في الثلث الاخير من الليل وخروجه من البيت مو حل الله يهديه
    والله ان امي تدعي له ليل ونهار
    ان الله يهديه ويبعد هالصداقات الشينه عنه بعد المغرب للمشرق
    والحمدلله امي انسانه تحفظ قرآن وخواتي كلهن يحفظن قرآن
    الحمدلله من عايله جداً ملتزمه مادري هذا على مين طالع هالشكل

    :( الله يهديه يارب
    ومشكوره على نصيحه واذا ماطلع شو الحل معااه !!
  3. الله يهديه

    بس ترا عادي اخوي كلا كذي تعودنا علييه

    ما فييها شي لو يطلع مع ربعه ويسهر معاهم بس انه مايدخن

    او يسوي اشياء مو زينه
  4. @synma

    الله يصلحه ويهديه
    بس انكم تطلعونه برا البيت غلط
    بكذا يستفردون فيه ربعه
    ويمكن تصير بلاوي
    خلوه على الاقل قدامكم

    وادعوا له

تابعي تجارب أخرى من هذا القسم.