علي الاستخارة و منكم الاستشاره؟؟؟

لأن هذا الي متقدم لي صاير على بدوي حبتين يعني هذولاك حقين السبحة و الشعر و القصايد و ميلة العقال فهمتي قصدي!!!
( ولا يهونون البدو ...فهم أساس العرب ...) بس أنا أتكلم عن الستايل حقه!!!

>>>>> هههههههههههههههههههه والله فطست ضحك عليك ... شوفي احياناً الرجل التقليدي سهل التعامل ..ويرضية انك تضبطين القهوة ..وتتعطرين بذا العطر الثقيل وتقابلينة ويستاااانس ....واذا زعل سوي لة كبسة ههههههه.. الشباب هاليومين الي ما يعجبهم العجب وما يملا عينهم غير التراب ........بس المهم في هالنقطة انتي تتقبلية او لاء ؟؟؟ انتبهي ,, اذا انتي ما تتقبلينه كذا لا توافقين يعني هذول يحبون الحرمة طيب حاضر سم ابشر واذا صارخ وشخص عليها تقول فديتك وطال عمرك ...وبعضهم مثل الي بطاش ما طاش شنبات ومسوي زحمة ويطلع طرطور ماعنده ماعند جدتي .... تخيلي نفسك ممكن تتوافقين مع شخص كذا .. أنا احب الرجل التقليدي ..اخواتي يحبون الرجل العصري .. استخيييييييييييييري ربي يوفقك ..

رفع

قلبي معاك حبيبتي ودخلت اشوف وش سويتي
بس مثل ماقلنالك استخيري الله

على فكره ترى حتى لو استايله مختلف عنك مافيها شي ترى الاختلاف شي وارد جدا في الحياة الزوجيه اذا ماكان في الشكل او الاستايل مثل ماقلتي
بيكون في التفكير
ترى مو كل اللي تتمنيه تلقيه في زوج المستقبل لازم تتغاظي عن بعض النقاط

الله يكتب لك اللي فيه الخير ياااااااااااااااااارب
ولاتنسيني من دعواتك بان الله يحقق اللي في بالي عاجل غير آجل

من وجهة نظري ولو مكاني مكانك أبوافق عليه
وما تهم الشهادة أنا ماجستير ومع ذلك أحاور ناس كثيرة بنفس المستوى
والله ما عندها سالفة اسم شهادة بس
خاصة أنه رجل أعمال ومعه لغة فاستخيري
والأهم من موضوع الثقافة هو سبب الطلااااااااااق أسألي أهل الزوجة
لئلا تقعي في ما لا يحمد عقباه
لأن وحده من زميلاتي طلقت بعدأسبوع وجدت زوجها مريض نفسي
وتقدم لها واحد مطلق الناس تمدح فيه وقاربت على الموافقة ولما سألت اهل مطلقته
وجدته موسوس وشكاك لدرجة جنونية وما أحد عرف عنه هالشي
لذا دققي في مسألة سبب الطلاق أما الثقافة فأنا اعتبرها خرابيط بعد إذنك
واستخيري,,, ربي يوفقك ويوفق الجميع
مداعبة:
كانك ما تبينه أرسليه لي مع أن عمري 25:)