شاركي في النقاش

سجلي الدخول لإضافة تعليق.

التعليقات

1,736
  1. @ahat_alosn

    وصلت ^_^
    ما وصلت إلا التجمع اتقفل... انهبلت..!
    عمومًا هذا التجمع الثاني انفتح ..
    أنا امتحاناتي ماخذتني وكلها يومين وأتربع ع النت 24 ساعة .. ^_^
    زوجي بالعمل وأنا إجازة ..

    امممم .. انا عطيتكم تاريخ ولادتي 21 يناير، الدكتورة لما سوت لي ألتراساوند غيرت التاريخ قالت إنه 19 يناير..
    طبعًا أنا بكرية، فما أدري شنو السالفة ^____^... الحمدلله إن حملي سليم وكل شيء ..
    والله يتمم لنا ولكم على كل خير إن شاء الله ..!
  2. @molan_3

    اهات الوسن الله يثبت حملك ويوفقك ويسهل عليك يارب .. انا موعدي 23 هـ اااه باقي اسبوع نفسي اتطمن واشوف شو اخباره
  3. صاحبة الموضوع
    خذلني الوقت
    يوووووووووووووووووه نفس الحاله كل يوم ادخل من وسواس اطلع بوساوس:eek: بس انا بكريه ويحق لي انتي وشدخلك:22:

    لأن هذا اول حمل يكتمل لي :(

    انا سبق وان حملت اول مره العام شهر اربعه ( بالضبط زي موعد حملي هالسنه )

    واجهضت وانا مادريت اني حامل كان فايت على موعد دورتي 5 ايام وكنت احس بغثيان ودوخه بس ما توقعت اني حامل قلت اكيد ماكله شي من برى مو نظيف

    وما اهتميت في نفسي وسبحان الله يومين وانا اتلوى من الالم قلت اكيد انها الدوره بتنزل وبعدين صار معي نزيف

    وبعدين شفت المضغه لمن نزلت .. والله يا بنات حسيت اني كنت حامل وان هذا اللي بيدي ولدي سبحان الله احساااااااااااس بس احساس وشفتها وقلبتها << لا تلوموني ابي اشوفه لو ان مافيه روح

    المهم.. رحت لموعدي كان بالصدفه الموعد ثاني يوم .. وانا ما قلت لزوجي شي ولا قلت له عن احساسي قلت يمكن يتراوالي

    ولمن كشفت علي صاحت ( إيه ده ده اقهاض ليه ما قتيليش من بدري كنا حنديكي ابر مسبته )

    انا ابد ابد ما حسيت بحزن تعرفون ليش ؟؟ لأن هذا حملي الاول بعد ثلاث سنين صح انه راح بس معناها ان فيه امل احمل .. تعرفون الشيطان يوسوس لي اني عقيم

    المهم نادت زوجي قالت له كيت وكيت ولازم تستريح ومدري ايش

    تخيلوا شصار بعدها .. كل شهر يصير تلقيح للبويضه بس ماتعشش بالرحم تجلس لا هي اللي صارت حمل ولا هي اللي نزلت دوره اقعد كذا الين اخذ حبوب تنزلها

    الى ان الله كتب لي هالسنه حملي المبارك وانا احمد ربي واشكره اللي اتمم لي الين الشهر الثالث << بنات تكفون اللي تقرا كلامي تدعي لي انه يثبته ببطني وربي شفت الويل والعذاب من الاعلاجات والادويه والنزيف وزيادة الوزن وعدام النفسيه كله عشان اشوف عيونه

    <<< تتنهد :(

    المهم ما اطول عليكم بس حبيت ابين لك خذلني ليش انا اوسوس وليش بالي مشغول لاني حملت بعد 4 سنوات مشاوير من الابر والحبوب و المراجعات شي والله مو سهل لذلك انا خايفه كل لحظه اني افقده لأني بصراحه تعبت نفسياإ وجسدياً


    أدري كثرت الحكي بس انا اقول لكم قصتي وتراها باختصاااااااااااااااااااااار ومدري حبيت اني افضفض لأني ابد ما اتكلم في هالموضوع احسه حساس بالنسبه لي ولا ابي اهلي او اهل زوجي او زوجي نفسه يشوف ضعفي كانوا يدعون لي دايم وانا اقول اللي من الله حياه الله وانا متقطع قلبي

    ترى ما قلت لكم القصه يوم بغوا يبعثوني للرياض وتعطلت امور ومدري ايش سبحان الله وصار حمل بدون ما اروح لهم << يمكن اقول لكم بعدين بس بتعرفون ان كل تأخيره فيها خيره سبحان الله كنت بروح لهم ويتعبثون فيني

    بنات تعبت من الكتابه برب وارجع << كنت بكتب ان هذا اول طفل لي بعد اجهاضي وشوفوا وش كتبت ههههههههههههههههه :22:

تابعي تجارب أخرى من هذا القسم.