عالم الارامل ****&&&

ايمان
يا هلا وغلاااااااا وانا اقول وشفي دخلاتك الماسنجر قلت اثاريك مشغوله بزواج اخوك
كيفك وكيف نصوري ان شاء الله طيب

الله يسامحك يا ايمان بكيتيني لما قلتي ام زوجك بكت ولما المطربه غنت الاماكن كلها مشتاقه لك :44:
عاد هالدقاقات الله يصلحهم احد يغني في عرس اغاني حزن
الله يرحم طقاقات زمان لما كانوا يرجونا من اول الحفله لاخرها بالله اكبر ياحمام وراعي المعارض قام يتحدى جاب الشبح والبنز من جده<<<<<تفكر تشتغل طقاقه بالصيف



باقي الاخوات
شخباركم جميع ان شاء الله طيبين

انا بعد حاليا شمال الرياض عند اهلي بما انه جازه فيه فيوتشرلاند وفيه البراجون وفيه تولان

وييييييييييييييييييييييينكم بنات من الجمعه محد طل عسى المانع خيرررررررررررررررررررررررررر

هلا بأم الروقان
اعذريني هاليومين مشغوووولة لشوشتي..
لكن رسالتك وصلتني وبكرة اشوفك ان شاء الله..

السلام عليكن ورحمة الله وبركاته وحشتوووووووووووووووووووووووووووووووني وحششششششششششششششششششه مايعلم فيها الا الله كيفكم كلكم بدون تحديد ولاتخصيص عساكم بخير يااغلى الاخوات واعذروني جهازي تعطل ومن قبله معرفي واحتست بعمري وقطعني الوله عليكن يشهد الله لدرجة بغيت اتسلف جهاز اختي وقبل شوي بس طلع من عندي اخوي ومبرمج كمبيوتر وصلحه ويارب يدوم صلاح الحال ومايخرب وبمجرد خروجهم دخلت عليكن ياحبي لكن كلكن وتراي وصيت العامريه وايمان يعتذرون عن غيابي ويقلولكم السبب ان معرفي فيه مشكله يعني عداني العيب >>> قلبت مصري الاخت هههههههههه وبكرا بحول الله ابشارك بردودكن وحده وحده اوقي 000بالنسبه لي عيالي يختبرون من السبت الله يسهل عليهم يارب وكل شباب المسلمين من بنات وبنين وموضوع عرسي هووووووووووووووووونت عنه بالثلاث >>>>>>>>>>>> والسبب من طرفي انا يوم جت الصدزه(الصدق لغير الناطقين قصيمي) اومار تجين ام الركب والخوف ومشاعر متضاربه وفي النهايه تغلبت امومتي وارتحت من هالموضوع عجزت اتخييييييل نفسي مع زوج غير ابو عيالي ورحمت عيالي من احساسهم بفقد ابوهم 000طبعا انا موصح وقراري قد يكون غير صائب برفضي لكن تلك مشاعري وعاطفتي وعرفت المراة بالعاطفه تصدقون بنات اسبوعين من التفكير بالموضوع والاستخاره عافت نفسي الزاد وجافاني النوم ورجع حزني على زوجي الله يغفرله ويرحمه اشد واقوى والدموع لم تفارق عيني كل مانظرت لوجه واحد من اولادي وفي اليوم الذي بلغتهم برفضي الحمدلله عدت مرتاحة جدا 000اللهم لك الحمد كما ينبغي لجلال وجهك وعظيم سلطانك 000بنات ابضحكم شوي قبل اطلع >>>>>>>> يوم قريت تساؤل البنات عني واعتقادهم اني تزوجت بغيت العب عليكم واقول العروس وصلت ومعها كراتين الكليجا ههههههههههه خساره ضيعت عليكن الكليجا برفضي خخخخخخخخ