منو الغلطان انا ولا أختي (( الصراحه وايد تعبانه ))

الموضوع ما يستحمل!!

شدعوه

انا اختي مسكرين لها غرفه ببيتنا بس مقفله على دولابها والغرفه يستعملونها الضيوف عادي و ممكن ننام فيها لو حبينا نقيل العصر!!

شدعووووه

الحين انا اللي قلبي قاسي؟؟ اتمنى انك تقرين الموضوع عدل قبل لا تردين هذا الرد.. برايك اللي سوته أختي صح؟ انها تشيل أغراضي وترميها بأكياس هذا مو تعدي على خصوصيه؟ انتي ترضين احد يفتش باغراضك ويرميها من غرفتك؟؟ ومن غير استأذان ؟؟؟ انا اللي ضايقني اني عمري ماتدخلت بغرف خواتي ولا فتشت في اغراضهم ومثل ما انا احترم خصوصياتهم المفروض هم بعد يحترمون خصوصياتي. وانا ما منعتها انها تدخل غرفتي واعتقد وضحت هذا بموضوعي بالعكس دايما اخليها تدخل الغرفه وحتى اختي لكبيره ياما نامت وستعملت غرفتي .. بس مو انهم يطردوني من غرفتي ... الحين منو اللي فيه قسوه مو طبيعيه؟ وبعدين مستحيل انا أخذ غرفتها لان الغرفه مليانه العاب وخرابيط ومثل ماوسخت غرفتها تبي توسخ غرفتي .. وانا ياما قلتلها رتبي غرفتج وحافظي عليها بس اهي الله يهديها وايد مهمله ومخليه ولدها يوسخها فوق تحت . حتى اني قلتلها كلمي ابوي يغير لج الاثاث والديكور انا دايما ابي لها الزين والخير وهي عارفه ها الشي بس دايما تتعدى علي .

فعلا .. المشكله بسيطه يالغاليه..

لاتتكلمين ابد معاها الا اذا كنتي بقربها واقربي منها وحطي ايدك عليها واحضنيها وافهمي وش شعورها وصلي لها هالكلام اللي قلتيه لنا وانك تضايقتي و...و...

وافهميها يمكن تعطيك اسباب مقنعه يمكن اشتاقت لغرفة امك وحبت انه يكون لها نصيب في هالمكان الغالي..

يمكن غيرانه منك لانها مطلقه وانتي متزوجه وماتبيك تاخذين كل شي حلو بالبيت..

وبعدين بالفعل انتي ماتستخدمين غرفتك الا اذا اضطريتي..

وش المانع انها تستخدمها هي للأبد .. يعني مافيها شي لو لها رغبه تبدلون غرفكم مثل ماذكرت الاخت اللي قبلي ..

لاتخلين الاشياء البسيطه هذي تفرق بينكم ترى مالكم الا بعض..

مثل ماقلت لك اقربي منها وكلميها بحب وافهميها وبيني ردة فعلك من اللي سوته وان شاء الله تتصافى نفوسكم..

قولي لها انا تضايقت لانك تصرفتي بدون استئذان وشلتي اغراضي.. قولي لو انك شاورتيني وطلبتي مني احتراما لي وتقدير ماراح ابخل عليك وامنعك من امر تتمنينه.. بيني لها غلاوتها عندك اكيد انها بتسامحك..

وخليك بنظرها الكبيره ..

والله يوفقك..

حبيبتي ... اختي مشكلتها انها عصبيه مررررررررررررررررررررره والتفاهم مايفيد معاها والله العظيم اذا كلمتها ماتسمعني وتقعد اتصارخ علي بصوت عالي ماتحترمني حتى قدام اختي لكبيره تصارخ علي وتجرحني ولا كأني اختها اللي اكبر منها ... واقسم بالله اني قلتلها تبين تستعملين غرفتي ماعندي مانع سوي اللي تبين فيها بس مافي فايده.. ولو تشوفين المسجات اللي ترسلها لي كلها اتهامات وكأني ظالمتنها .. ليش عاد كل هذا .. هذا جزائي لاني احبها ودايما أتنازل علشان ارضيها ؟ طيب لين متى؟ وترا مثل ماهي تعاني انا بعد اعاني انا صارلي سنين متزوجه وللحين ماعندي عيال اللهم لا اعتراض بس ماسويت اللي اهي تسويه .. دايما احاول اصبر نفسي مع ان نفسي تعبانه مره ومايعلم بحالي الا الله سبحانه.. بس اهي ماتقدر تبي كل شي لها .. وبالنسبه لغرفة الوالد اهي اللي ماكانت تبيها وهي اللي اختارت الغرفه الثانيه وبرضاها محد غصبها . وانا صارلي تقريبا اربع سنين استخدم الغرفه من توفت الوالده مره زوجي سافر وقعدت ثلاث شهور فيها . يعني كل ملابسي واشيائي موجوده فيها .. كيف بين لحظه تبيني اطلع منها واصلا اهي ماطلبتها مني ولا استأذنت ولا شي علشان اعذرها ..