الله يفرج كربتكم فرجوا عن كربتي وهمي؟؟

السلام عليكم ورحمة الله وبركاته
كيف حالكم اخواتي ،،،،،،،،،اتمنى للجميع السعادة في الدارين
اخواتي ابطرح عليكم مشكله واجهتني وطبعا الله يجزاكم بالف خير ولا يحرمني من توجيهاتكم ونصائحكم
مشكلتي بدات مع صديقتين اقصد زميلتين (من الصعب ان اطلق عليهم صديقتين فالصداقة اعظم )
تعرفت عليهما في غربتي اسال الله ان يفرج كربتي وان اعود لبلديوديرتي بالسلامة
المهم تعرفت على واحدة منهما في بداية غربتي عن بلدي وقد سكنا في منزلهم في بداية الامر حتى وجدنا لنا منزلا بحمد لله المشكلة بدات عندما توفي قريب لنا رحمه الله وارادت هذه الانسانه زيارتي او تعظيم الاجر في وفاة هذا القريب واتصلت على وبلغتني انها راح تجيني من الغد فا رحبت بها ولكن ،،،،،،،،
حدث ان جاء زوجي من العمل وهو متعب نفسيا اكثر منه جسديا فقال قالي زوجي انا اخبرت احد الاصدقاء بوفاة فلانة وو ماقصر قال والله يااخوي بحالتك هذي ماتقدر تجلس في البيت ولازم تخرج تغير جو طبعا هو واصحابه الباقين جهزوا للرحلة في نفس اليوم الي قالتلي زميلتي انها بتجيني وانا قلت لزوجي لامااقدر اخرج لاني وعدت فلانه انها بتجيني وتعزيني ولكن زوجي قال حتى هم راح يخرجون معانا في الرحلة وفلانه بتجي تعزيك نصف ساعه مو معقول اضيع اجازة يوم كامل علشان بتجي تعزيك نصف ساعه وانا ماني طايق اجلس في البيت وطبعا الرجال والحريم ومو معقول انا اجلس مااروح ولكن هي بتجيك في الليل واحنا بنرجع المغرب فوافقت ولكن:30:
حدث انهم بعد الرحلة في احدى الحدائق قالوا لازم نغديكم في مطعم ولان فلانه احد اصدقاء زوجي كان صايم ولا زم نلحق قبل اذان المغرب واحنا ماكان معانا سيارة وكنا معاهم وهذا الي زاد الطين بلة فقال زوجي اتصلي عليها بالجوال وبلغيها انا بنتاخر شوي فاكلمتها وقالت بالحرف الواحد ان زوجها نايم والعشاء نجيكم وبعدين العشاء كلمناهم قالوا لا احنا خلاص بنام وبناتي ناموا حاول معاهم زوجي لكن مافيه فايدة فاقالهم زوجي بكرة ننتظركم ولكن كمان ماجوا لانهم زعلوا وبعد يومين اتصلت عليها قلتلها ليه ماجيتوا قالت انتوا مااحد يوعدكم ماتحترمون الضيف ومن ذا الكلام والله يابنات ان زوجها كم مرة ومرة يوعدنا ولما يتواعدون هو وزوجي انا نخرخ يقول لا والله مافيه انا مشغول كم مرة ومرة وقال زوجي لما بلغته انها قالتلي كذا وكذا قال قوليلها الوعود الي نتواعدها وتفركشها وين راحت وين كلام الرجال وزوجي يقول انا كنت عارف انهم ماراح يجون وراح تضيع علينا الرحلة وانا ماني ناقص تعب نفسي اكثر من كذا ،،،،،،:44: بنات انا من لقافتي رحت قلت للثانيه بالله ايش رايك في موقفها قالت مامعاها حق لكن من ورا قلبها وبعد شهرين قلت ليش اعوذ بالله الحقد والزعل خلاص خلينا نتصافا وترجع الامور لمجاريها واتصلت عليها وقلتلها حياك الله تجينا اليوم واتصلت على الثانيه كمان ورحبت فيها لكن هذي الي صار لي معاها الموقف قالت لا خليها يوم ثاني وبعدين اتصلت الثانيه واعتذرت كمان وقلت لزوجي والله العظيم ياابو عبد الله اني احس ان فيه مكيدة وخيانه ماادري ليش قلبي اكلني وقدر الله ان زوجي يروح لقريب من بيت الثانيه وكان يبغى يطلب عشاء لنا بتزا وشاف ازواجهم مع بعض وفي المطعم وخرج زوجي وماطلب ولا شافوه وجاء زوجي وقالي وقلتله مااعتقد ان حريمهم كمان متجمعين مع بعض قال صدقيني حتى حريمهم لكن انتي الي طيبه زياده عن اللزوم:32: وبالفعل سالت الثانيه وقالت ايوة تجمعنا واتعشينا وانبسطنا بالله عليكم بنات اعرف اني طولت عليكم لكن خبروني بصراحه مين الغلطان وانا كل ماشفتهم اتكلم معاهم لكن من غير نفس ولا اقدر حتى اطالع فيهم من القهر بالله بنات قولولي كيف اتعامل معاهم لاني ماابغى احد يزعل مني وايش الحل المناسب؟؟؟

15 تعليق 1,638 مشاهدة

شاركي في النقاش

سجلي الدخول لإضافة تعليق.

التعليقات

15
  1. @maoy

    مرحبا بك اختي الكريمه ...

    اختي الحبيبه ...

    حتى ترتاحي نفسيا ... وحتى تنعمي بحياه هادئة بعيده عن الترسبات ....

    لاتتوقعي الكثير من الصداقات ...

    واجعلي همك بيتك وزوجك ...

    وفي وقت فراغك ممكن تكون بينكم زيارات او كلام على الهاتف ...


    يعني لاتفكري كثيرا لماذا فعلت فلانه كذا ؟؟؟

    ولماذا لم تفعل ذاك ؟؟

    ودعيهن يتعاملن مع بعض حسب مايرين ...

    فانت تاكلين في نفسك وهن لايعلمن بك ...


    يعني عامليهن بشكل سطحي كما قلت كزميلات او كمسلمات فقط ...ادي واجبات المسلم تجاه اخيه المسلم ..

    يعني لاتتعمقي كثيرا في العلاقه ...
  2. @doom_1

    انا من رايي خلي علاقتك معهم رسميه او اقطعيها اذا ما ارتحتي لهم
    والله يكتب لكي الخيير.
  3. @shayb_syf

    انتي كلمي صديقتك الاولى ولو ان كلمة صديقه كبيره عليها شوي
    كلميها للمره الاخيره وفهميها القصه كامله واطلبي منها تزورك طبعا تعتبر هذي اخر محاوله لاصلاح الوضع بينكم
    اذا كانت فعلا تغليك وتعزك راح تنسى اللي صار مع انو ماصار شي يستاهل كل هالزعل
    واذا بايعه العشره والصداقه بينكم فخلاص انسيها لا تترجينها انتي سويتي بأصلك وكلمتيها وهي اللي مسويه من الحبه قبه
    وحتى لو نسيت هالمره كل مره راح تسوي لكم سالفه على طلعه او عزيمه او اي شي تافه
    وفهميها ان الصداقه مثل الاخوه مافيها رسميات ومواعيد صارمه وخاصة انكم ببلد غربه والمفروض علاقتكم تكون اقوى من كذا
    :24:
  4. @beloved

    صاحبة الموضوع
    السلام عليكم اخواتي ،،،،،
    ماويه ....... حبيبة ابوها..........دووم........سحايب صيف .............جزاكم الله الف الف خير ومشكورة اختي ماويه على النصيحه صدق اخواتي الصديق وقت الضيق والله بنات ليه كم يوم ماانام الا بهموم او بكاء وحالة مايعلم بها الا سبحانه ،،،،،،، الحمد لله على كل حال لكن اخواتي تصدقون ماتوقعت انه راح يصير ليه كل هذا وانا ماليه الاسنه في استراليا في غربتي وبدات اشك في الي حوالي انهم ضدي لانه مااحد يزورني وهم ماشاء الله اللهم لا حسد زيارات وجمعات من قبل الي تعرفنا عليهم مع العلم اني انظم لجمعاتهم احيانا واقول للحريم والاخوات الباقيات خلونا نشوفكم حياكم الله لكن ماقد جاني احد اقول لزوجي بدات اشك ان العيب فيه مع العلم ورب السموات يشهد على مااقول اخواتي اني ماقد جرحتهم ومعاملتي مع الكل مو بس مع الي صار لي معاهم موقف معاملة جدا خلوقه وبلطف وحسن خلق الحمد لله وادعي الله القدير انه يعيني على حسن الخلق ,,,,
    وانا كل مااذكر انه لا يدخل الجنه والله اعلم حتى يتصافى الاخوان وياخذ كل انسان بحقه من الاخر اقول ماابغى اقطع علاقتي معاهم والحمد لله على كل حال
    وانا اقول لزوجي نفسي اتصل عليهم واقولهم بالله عليكم لا تزعلون مني وزوجي يقول انسي الموضوع ولا تعرضين نفسك لاهانات اكثر من كذا ،،،،، الحمد لله على كل حال والله يفرج كرب المسلمين اجمعين
    الله لا يحرم كل من ردت على مشكلتي الله لايحرمها الجنة واسال الله العظيم ان يجمعني واياكن في جنات عرضها السموات والارض اختكم المحبة للخير دائما ام عبد الله

تابعي تجارب أخرى من هذا القسم.