السلام عليكم ،،
الله يشهد اني ماكتب الموضوع لمجرد الذم في ام زوجي
اعاني من هالمشكله من سنه ونص << مدة زواجي بس ماعمري تكلمت حتى حق اهلي ولازوجي لانه اكيد مايحب يسمع هالشي عن امه
كل خميس نتجمع في بيت حمولتي وام زوجي هي اللي تطبخ
المشكله انها ماتهتم بالنظافه ياما ليقت شعر في الاكل وقلت ماعليه بدون قصد
ومرات كنا نروح لهم بدري القاها مخلصه طباخ وتاركه الاكل مكشوف الين موعد الغدا وتقول انها خلصت من الصباح
تخيلو المده اللي تركت الاكل فيها مكشوف
وقلت ماعيه وقضيت النظر وكليت
الين الاسبوع اللي فات لقيت ذباب في الاكل
وقسمن كبدي حامت وحسيت معدتي تقلبت اتخيل لو خلصت الصحن بدون ما انتبه
يااااااربي نفسيتي تعبت خاصه اني من النوع اقرف بسرعه
من قبل جربت اودي غداي معاي بس عصبت وزعلت تقول لا حد يجيب شي عشان لايزيد الاكل
لو بلقى عذر للاسبوع ا لجاي ومااروح اللي بعده وش بسوي
اقول صايمه
خلاااص ماعاد اتحمل ابي حل
شاركي في النقاش
سجلي الدخول لإضافة تعليق.
التعليقات
81- والله فشيله الله يعينج مااتخيل بتقدرين تقولين لقيت شعر ولا ذبان في اكلج والله فشله .. انزين بس انتي اللي لاحظتي هالشي ؟ الباقي مالاحظوا ؟ على الاقل تطلع من عيالها وبناتها ولاتطلع منج .. كبار السن حساسيين وكل كلمه يفسرونها غلط .. مااقول الا المره الجايه ان شاءالله احد من عيالها يكتشف هالبلاوي ويخبرها :)
- الله يكون بعونك
عندي لك حل مؤقت
قبل تروحين بيتها كلي وجبه دسمه تشبعك
واذا جا وقت الاكل جاملي وكلي لك فواكه وحاولي ماتبينين انك قرفانه لانها ام زوجك واكيد الكل بيكون بصفها لو زعلت . - مو كل خميس تروحين لهم خلاص صومي وقوليلهم صرت اصوم الاثنين والخميس وسوي معاكي اي شي تاكلينه
الله يكون في عونك - والله ذي مشكله بس على الأقل قول لزوجك
وفعلا غريبه ما احد ينقرف الا انتي يعني الباقي مالاحظوا هالشيء؟؟!!!!!! - الله يكون بعونك
عندي لك حل مؤقت
قبل تروحين بيتها كلي وجبه دسمه تشبعك
واذا جا وقت الاكل جاملي وكلي لك فواكه وحاولي ماتبينين انك قرفانه لانها ام زوجك واكيد الكل بيكون بصفها لو زعلت .
مواضيع مشابهة
تابعي تجارب أخرى من هذا القسم.