السلام عليكم ورحمة الله وبركاته
الاخت ريم البراري ...
انا رايي انج تردين بيتج اولا ... وبدون اي تاخير ... لا تخلين الفجوة تكبر ... لان الطلعه من البيت بالاساس ما كانت صح.
ولو انج ما طلعتي من البيت جان قلت لج اوكي خليج شاده شوي معاه علشان ما يكررها ويحترمج ... لكن مدامج بعيده ما راح توصلين لنتيجه ... وبيستسهل البعاد.
لي رديتي البيت هذيج الساعه ضبطيه لكن وانتي بعيده ما راح تطلعين بنتيجه ايجابيه ... و يمكن يطيح باحد من ربعه يخربه عليج زود او من بنات الشوارع هذولا وذيك الساعه انتي جنيتي على روحج.
شوفي لج اي طريقه حلوة تردين فيها بيتج ... بدون ما يبين انج نزلتي نفسج ... مثلا اما تردين عادي واذا سالج تقولين كنت متضايقه ورحت اغير الجو احسن من ما يطلع مني كلام يزعلك كردة فعل بلحظة غضب.
و الله يوفقج ويسخره لج ويهديه
و بالمستقبل تجنبي اي شي يجر المشاكل ... علشان ما تسمعين منه الكلام اللي يزعل ...
عرفي متى يكون منفعل ومتى يكون رايق
ساعدوني أرجع بيت زوجي ولا لأ؟؟؟؟
متابعة النقاش، صفحة 4
