موضوع مهم وفيه اجر كبير ضروري تدخلون

هلا اختي

بالنسبه للخبز شوفي هالرابط والله ماعاد ارمي لو هي ذره ولله الحمد

http://forum.hawaaworld.com/showthread.php?t=788247

وفيه عند المساجد براميل مخصصه لجمع الخبز ماادري اذا انتي بالرياض أو لآ أقول لك وينها فيه

والحفايظ اربطيها بكيس احسن

وبعدين انا ولله الحمد من بديت بفكرة بقايا الرز والخبز ماعاد عندي شي يرمى
وحتى بقايا الدجاج واللحم اجمعها واحطها بالفريز اذا رحت للحديقه امشي احطها لهالقطط ريحوني والله

مرحبا اختي
أنا عني ماارمي لا الخبز ولا بقايا الارز لان ياطويلت العمر حماي عنده غنم واجمعله الخبز وجارتي عندها دجاج وحمام
اجمعلها الرز.
انتي بعد اجمعي الخبز واكيد تعرفين احد عنده غنم ياخذها ترى اصحاب الاغنام يشرون الخبز الكيس 10كيف اذا جاهم ببلاش اكيد يفرحون فيه واذا ماتعرفين احد اجمعيه بكرتون وعطيه الزبال ترى هو يبيعه على اصحاب المواشي.
اما الحفاضات والله اني ارميها في زبالة الشارع وين اوديها مالها الا هي.:44:

الخبز اعطيه لاصحاب المواشي

اهم شيء احتسبي الاجر من الله لا ترمين النعمة لازم ما تلقين لها حل
الخبز رجعيه للمخبز هم يجمعونه ويبيعونه او يعطونه فيه ناس تروح للمخبز تدور على الخبز للبهايم او الغنم بس اسئلي المخبز ياخذون الخبز او لا
دايم بقايا النعمة لا ترمينها اجمعيها واحتسبي الاجر

مرحبا اختي
بالنسبه للحفايظ وانتي بكرامه
كل تغييره تنحط بكيس مستقل ثم في زباله خاصه لها
و في الليل تؤخذ بكيس واحد وتنحط في الزباله الرئيسيه للبيت
( اكياس الحفايظ هي كل الأكياس الصغيره اللي تجي من البقالات عادةً ,
وإذا كنتي طالعه استخدمي اكياس جديده مقاس صغير )
اما الخبز و الطعام الزايد في البيت اهم شي الاقتصاد في الإستخدام قدر المستطاع .
بالنسبه للخبز يجمع يا اما مجفف او في الفريزر و عند شراء الذبيحه للبيت يعطى اصحاب الحظائر
و الرز ممكن العصافير في الحوش مع انها توسخ جداً مع الوقت ...
بقايا اللحم و الدجاج ممكن للقطط في الحوش او الشارع لكن بعد فتره تجدين وقت الوجبات
الحوش مسرح للقطط و بعضها يفضل الإقامه الدائمه ...
أما افضل الحلول لكل الزائد من الأكل جمها في الفريزر ثم في اقرب طلعه للبحر ترمى للسمك
ما سبق هو الفائض اليومي القليل اللذي يتجمع . لكن بقايا العزايم توصل للمحتاجين او عمال المحطه مثلا
او الجمعيات الخيريه و إذا انتي تمونين على المعازيم يستفيدون من الاكل كل وحده تطلع و بيدها صينية القصدير
الجاهزه ...
و سلامتك