شاركي في النقاش

سجلي الدخول لإضافة تعليق.

التعليقات

1,581
  1. @alaml_alakhyr_1

    السلام عليكم ورحمة الله وبركاته
    كيفكم كروشات وكيف الحمل معاكم
    أنا بخير والحمد لله
    بس نفسيتي ذفت
    ما اعرف ليه شكلي بتوحم على حماتي كارهتها مرة مرة
    وهي ادمية عندها عيوبها طبعا بس مو لهذه الدرجة وحاسة نفسي مو قادرة اسمع صوتها ولا اطيق الي يتكلم معاها
    وامس حلمي كله مضاربة معاها
    ايش اسوي حاسة اني بافتري على الادمية بس والله غصبن عني

    أم نهيان
    كيفك حبيبتي
    شكرا لك واستني الأدعية بفارغ الصبر
    بصراحة انا فاشلة في البحث وحاولت وما قدرت

    حورية
    كيفك حبيبتي
    طبيعي القلق وخاصة إذا كان اول حمل لك او ثاني او لك فترة بين الحمل الأول والثاني
    تعالي شوفي خالي كل يوم يتصل مرتي فيها كده طبيعي واحيانا يسأل اسئلة محرجة حتى صرت اقول له كلمني على المسنجر احسن ما استحي كدامه كثير

    البلورة
    ربنا يسهل عليك حبيبتي ويسهل علينا وعلى الجميع
    ويارب يقرب اليوم الي نبارك فيه لبعض
    واعتقد حتى الي في السادس بيقدرو يجهزو بعد رمضان لكن عندي سؤال هو الفترة الي بعد العيد يكون فيها ملابس كويس عمري ما جربت اتسوق في هذه الفترة

    كوب كافي
    كيفك حبيبتي
    بالنسبة لي إذا ولد بسميه فارس او فريد على أسم خال زوجي بس حماتي ما تبغي اسم فريد عشان اخوه حبيب قلبي متخلف وعلى قولها حظه ضعيف والأدمي خلاص على الفراش وأخاف افول عليه لو سميت بأسمه

    ام إذا بنت فراح اسميها بحرف ال ف لأن كله بزورتي بهذا الأسم ما عدا ولدي محمد الي بأسم ابوية
    أو اسميها منار بحرف اخوها مودي ولايقة على اسم بنتي الصغيرة فنار
    لكن الكل معترض طبعا بزورتي يقولو نار وحدة تكفي ( بهدلتهم بالفلسفة والشكوة تستني ابوها جنب الباب عشان تعطيه تقرير بأحداث اليوم )وعن نفسي ما احب الأسماء الحديثة ابغي اسم يليق عليه طوال عمره
    واسم يزن حلو

    سكر بنات
    كيفك حبيبتي
    والله يغفر لها ويرحمها
    وسلامتك حبيبتي حاولي تهدي اعصابك

    أم دانة
    ما تشوفي شره حبيبتي
    أنا ذيك اعاني من حالة اسمها ارتجاع وتسبب لي الحرقان والاحتقان في الحلق وهي الي تسبب لي الكتمة
    لكني جربت الموز مره مفيد للحرقان وللمعدة بصفة عامة

    أمل مجروح
    كيفك حبيبتي
    بالنسبة لأبرة الشرجية بيعطوها لو معدتك مليانة او تكون قيصيرة أنا مع ولدي دخلت جعانة وابغي أكل والممرضة هددتني إذا اكلتي راح نعطيكي هي قلت لها والله مو رايحة اطلع السرير من غير أكل واعطيني الي تبغيه وتراها عادي ذي التحميلة بس بعدين ترتاحي حتى بعد الولادة تكوني مرتاحة بسببها لا مو كل الحريم يرجعو
    بالنسبة لي والحمد لله عمري ما رجعت ساعة الولادة ربنا ما يكتب على
    ومين قال لك موية خضراء ؟؟


    حرم المهندس

    اطمنك حبيبتي
    أحنا في العائلة عندنا حالات الأجهاض كثيرة يعني اغلب الحريم عندنا ينامو طوال فترة الحمل عشان الاجهاض وكلهم يقولو انو الأجهاض والمه اخس من الم الولادة الطبيعية لأن الطفل ما يدفع ذي الولادة

    أم جسوم
    غريب انهم يعطوكي الأبرة وبطنك فاضية أنا دايم لما اروح يكون في الصباح وما يعطوني هي لأن معدتي فاضية تماما أم القسطرة ما اعطوني هي الا في القيصرية
  2. @kly_hyaaa

    اختي شام مشكورة على الجدول الحلوووووو


    اختي مناااااااااار **
    انا معاي سكر من قبل الحمل
    ومنتظمة ع الانسولين
    لكن انتي الحمد لله تكفيك حمية غذائية وبس
    يعني حلويات ممنوع نهائيا
    شاي او قهوة قللي السكر او استعملي سكر الفواكة
    وبالنسبة للخبز والتوست استعملي الاسمر احسن وافضل من الابيض
    وكثري سلطة خضرا وفواكة ( تفاح وبرتقال )
    فيه فواكة نسبة السكر فيها عالية مثل الموز والتمر والمشمش والخوخ والبطيخ والشمام حاولي تتركينها في الحمل
    وعلشان ما يستمر معاك السكر بعد الحمل
    والله يسهل امورنا يارب
  3. @kob_kofy

    الأمل الأخير
    السلام عليكم ورحمة الله وبركاته كيفكم كروشات وكيف الحمل معاكم أنا بخير والحمد لله بس نفسيتي ذفت ما اعرف ليه شكلي بتوحم على حماتي كارهتها مرة مرة وهي ادمية عندها عيوبها طبعا بس مو لهذه الدرجة وحاسة نفسي مو قادرة اسمع صوتها ولا اطيق الي…
    الأمل الأخيــــــــر

    والله الحمد لله تمام ،،

    اسم فارس يجنن ما يقارن بفريد لأنو معناه حلو

    يقولون كل شخص - غالبا - له من اسمه نصيب ::

    وأعرف وحدة اسمها فريدة ما عندها خوات

    وواحد اسمو فريد ولما كبر غير اسمه لمحمد ..

    والبنت حلو فرح أو فريال

    الله يتمم لنا كلنا على خير ويفرحنا بشوفتهم وهم بصحة وعافية :04:

    ><
  4. @alaml_alakhyr_1

    كلي حياء
    عادي بالنسبة للنظر أنا كده مع حملي ويريت كمان بس كده اقرأه الشئ ما افهمه وامسك نفسي اجلس افهمه واحيانا اشوف شئ وما اعرف ايه واجلس فترة الين اعرف ايش هو
    والله مرة جلست فترة اشوف ايش الي في الكرتونة والصورة واضحة بس مو عارفة ايش وطلع في النهاية كلون الباب
    كأنه في تأخر توصيل المعلومات من المخ
    وربنا يعينك على السكر هو معاكي في الحمل ولا من قبل

    أيام اول
    الله يبارك فيك والله مشتاقة للفترة الي يتحرك بوضوح احسه فترة حلوة ومميزة
    كيفك حبيبتي وكيف بنتك
    وربنا يؤفق الجميع

    أكادي
    كيفك اليوم وكيف نفسيتك
    ربنا يعطيكي أن شاء الله الي تبغيه وكل وحدة ربنا يرزقها بالي في نفسها وانا جربت الدعاء ساعة الطلق مو وانتي مرتاحة يعني اول ما يجي الألم تبدا الدعاء وسبحان الله ربنا استجاب لي

    ام بندوري
    اهلا بيك حبيبتي بيننا
    وولادتك يعني على العيد ان شاء الله
    بالنسبة لي انا من اهل جدة وولادتي راح تكون بإذن الله في 18 نوفمبر 20 ذو القعد ة( يوم ميلاد بناتي وراح يقاطعوني لو ولدت في هذا اليوم كل وحدة منهم متضايقة عشان مالها يوم خاص ما اعرف ايش كانو راح يسوى لو كانو توائم )

    نورة الخير
    خير ان شاء الله
    طبعا في الرقية الشرعية تلاقيها في النت
    وفضفضي حبيبتي ترتاحي والله
    وموية زمزم كمان كويسة جدا

    ام محمد وسعد
    اعتقد عادي حبيبتي في هذه الفترة لسا بدري على الحركة الدائمة
    مرت خالي ذيك في نفس الفترة وتقول نفس الكلام

    شام
    شكرا على الجدول مفيد جدا
    بس شوية زيادة

    الأثيرة
    أقول على طريقة كان يسويها اخوي ( مجرم من صغره )
    كان يجلس مرته ويريحها ويخليها ملهية في هرج ولا اي شئ وبعدين يجي بكل قوته يصرخ ويفجعها والله البنت كانت تتحرك في بطن امها ذي الي تفجعت
  5. @alaml_alakhyr_1

    كوب كافي
    فعلا احب اسمي شئ معناه حلو كل واحد له نصيب من اسمه عشان كده اسم وحيد اسم مكروه بس اسم فريد يعني فريد من نوعه بس على قولك اسم فارس حلو وعندي ولد اسمه فراس والحمد لله بهجة القلب ربنا يخليهم كلهم ليويصير حلو فراس وفارس
    وبالنسبة لأسم فرح حلو بس فريال عندنا في العائلة وحده اسمها فريال بس وحشة مرة وتعرفي الأسم يلصق في الذاكرة بصاحبته