تعالوا شوفو اليوم شنو صادني
بالتفصيل الممل وشاركوني خوفي اليوم
انا اليوم دخلت تكرمون الحمام الا اشوف نازل علي دم وماي
انا تخرعت اول مرة اتصيدني هالحالة بولدي ما شفت الدم الا يوم الولادة
انا وقف قلبي
وكانت اختي توها جاية البيت
قلتها لها تعالي شوفي هذا دم ولا انا اتهيأ
قالت لا هذا دم واضح
اتصلت بزوجي ما قدر يترخص من الشغل
وبعدين جتني حماتي فوق راويتها مرة ثانية قلت لها دم ولا انا اوسوس
قالت لا هذا دم وانزهقت
وبعدين زوجي طلع من الشغل ورحنا طوارئ المستشفى
واخذوا من دم ووبول يكرم السامع
والا حظي دكتور
انا استغربت اول مرة اشوف للنساء والولادة دكتور احنا عندنا في البحرين الحكومة اي شي بالنساء بالولادة دكتورة
قلت له ما ابيك ابي دكتورة
الا يقول وشفيكم اليوم شكلكم محد مريض
قلت له مريضة لكن اذا اضطريت بروح الخاص
قال لي قعدي وما يصير خاطرج الا طيب
المهم قعدت وبعدين جت الدكتورة وفحصت علي
شفت قلبو النونو يجنن صغنون
اتقول لي ما شاء الله عنده ايدين وارجولين وعيونه واضحة
والحين اهو نايم
بس انا مستغربة ما سمعتني النبض تتوقعون ليش؟؟
اتقول اهم شي الحين تلزمين الراحة وما اتشيلين اي شي ثقيل
وقالت لي عندي املاح واجد بالكلة من قلة شرب الماي
ومخاط على الكلية
وانا يا بنات ما احب اشرب الماي اتلوع جبدي شنو اسوي
اهم شي اتطمن وشفته وعطتني له صوة من التصوير
والحين انا انتظر تصوير ثاني ضروري للكلية علشان يشوفون الأملاح
ادعوا لي الله يرزقني بالطفل السليم المعافاه
ليس به زيادة ولا نقصان
والله يطمنكم على بيبياتكم
التجمع الثاني لمواليد شهر يناير وفبراير ومآرس
متابعة النقاش، صفحة 96