سؤال عاجل لبنات حايل عن المخبنة

السلام عليكم ورحمة الله وبركاته

انا جربت وسويت مخبنة ( كاسات هواء ) ويسمونها بعض الناس حجامة جافة

وارتحت كثير لماجربتها وطبعا صعب اتردد لحايل علشان تسويها لي حرمة

وقررررررررررررررررررررت اني انا اسويها لنفسي ولامي

بس بغيت اعرف الصرة او البقشة الصغيرة اللي يستخدمونها وش نوع قماشها ؟

لاني جربت انواع كثيرة وما تطفى لما اكبس عليها تبقى مشتعلة وتحرق رجلي

ووايش ياللي كون في الصرة هذي؟

وهل ينفع اسويها لبنتي الصغيرة عمرها 4 سنوات لرجولها دايم تشتكي منها

انتظر ردكم والله يجزاها خير اللي ترد علي

4 تعليق 2,537 مشاهدة

شاركي في النقاش

سجلي الدخول لإضافة تعليق.

التعليقات

4
  1. @smsmh5

    انا ماافضل تسوينها لنفسك , لاني سمعت من وحده انها خطر تتعبثين بنفسك وتسوين الكاسات من غير درايه , لان فيه مناطق المفروض ماتسحبين الهوا منها لانها تكون مواضع عروق او مفاصل مويه وبكذا ممكن تسحبين الماء اللي بالمفصل او تجلطين الدم بالعرق لاقدر الله ..
    احذري يااختي واعطي الخباز خبزه ترا العمر مو بعزأه على قولة اخواتنا المصريين
  2. @fyd_alkhatr

    صاحبة الموضوع
    الله يجزاك خير اختي

    من جد خوفتيني على بالي الامر اسهل من كذا

    والله ودي اروح لوحده تسويها لي بس انا في القصيم وما عرف احد يسويها في القصيم

    تسلمين يالغلا على مرورك ونصيحتك

تابعي تجارب أخرى من هذا القسم.