السلام عليكم ورحمة الله وبركاته
أعتذر عن غيابي بس كانت لضروف المهم كيفكم وكيف عيالكم وحشتوني ووحشتني سواليفكم عن عيالكم الله يحفظهم ويخليهم لكم أنا جايتكم اليوم وعندي مشكله مع بنتي الله يحفظها ويهديها يابنات ماتاكل مره عمرها سنتين وماتاكل بس على الحليب ودي اعرف أكلات ممكن تاكله وتغذيها ولله أني خايفه عليها أبغا أعرف نظام أكل لها الله يخليكم علماً أنها تحب المكرونه المسلوق بس يعني مايصير أعطيها مكرونه كل شوي ابغا أنوع لها وبرضو هي ماهي مغذيه مره
فالله يجزاكم خير دلوني وبرضو فيه حركه مبهذلتني عليها وماني عارفه كيف أتعامل معاها وأخليها تبطلها وهي تفصخ ملابسه كلها في البيت حتى لما نروح عند ناس تسويها بس أنا أمنعها وفي السياره تفصخ جزمتها الله يكرمكم والشراب وتشوفوني إذا نزلت أقعد البس من جديد وطالعه بحركة الصياح تصيح باأعلى صوتها إذا زعلت أو إذا ماصار الشئ على مزاجها أو ماعجبها شئ الله وفيها عناد الله يهديها وخراب الله يجزاكم خير أنقذوني بحل أنا بنجن ساعدوني وشكرا
/// .. تجمع .. احلى .. الاطفال (^_^) من .. سنه .. الى .. سنتين .. ///
متابعة النقاش، صفحة 262